ইজিপ্তৰ ‘গ্ৰেট পিৰামিড অৱ গিজা’ত উদ্ধাৰ হৈছে এটা গোপন কৰিডৰ। ৪৫০০ বছৰ পুৰণি এই পিৰামিডটোৰ প্ৰধান প্ৰৱেশ পথৰ ওচৰত পুৰাতাত্বিকসকলে উদ্ধাৰ কৰিছে এটা দীঘলীয়া সুৰংগসদৃশ কৰিডৰ। জানিব পৰা এই সুৰংগটোৰ দৈৰ্ঘ ৩০ ফুট।
ইজিপ্তৰ প্ৰাচীন সম্পদ বিভাগৰ বিষয়া সকলে কয় যে এই কৰিডৰটোৱে নতুন তথ্য আৰু সমল উদ্ধাৰৰ সম্ভাৱনা দাঙি ধৰিছে।
লগতে পঢ়কঃ ইজিপ্তত ৪,০০০ বছৰৰ পিছত উদ্ধাৰ হৈছে সোণেৰে মেৰিয়াই থোৱা এটা মমি
২০১৫ চনৰে পৰা ইজিপ্তৰ স্কেন পিৰামিড প্ৰজেক্টৰ অধীনত চলাই থকা অভিযানত আৱিস্কাৰ কৰা হৈছে এই কৰিডটো। ২০১৫ চনৰে পৰা এই প্ৰজেক্টৰ অধীনত ইজিপ্তৰ পিৰামিড সমূহৰ বিষয়ে অধিক সম্ভেদ লাভ কৰাৰ উদ্দেশ্যে ইনফ্ৰাৰে‘ড থাৰ্মগ্ৰাফি, থ্ৰী ডি ছিমুলেশ্যন, কস্মিক ৰে ইমেইজিঙকে ধৰি না না প্ৰযুক্তি ব্যৱহাৰ কৰি অভিযান চলাই অহা হৈছে।
লগতে পঢ়কঃ দিল্লী অভিমুখী বিমানত পুনৰ অঘটন! সহযাত্ৰীৰ গাত এইবাৰ মাতাল, শুই অহা যাত্ৰীৰ প্ৰস্ৰাৱ!
উল্লেখ্য যে গিজাৰ এই অতিকায় পিৰামিডটো নিৰ্মাণ কৰা হৈছিল খ্ৰীষ্ট পূৰ্ব প্ৰায় ২৫৬০ চনত। নিৰ্মাণৰ সময়ত এই পিৰামিডটোৰ উচ্চতা ১৪৬ মিটাৰ আছিল যদিও কালৰ সোঁতত ই বহি যোৱাৰ ফলত পিৰামিডটোৰ উচ্চতা বৰৰ্তমান ১৩৯ মিটাৰ। ১৮৮৯ চনত পেৰিচত আইফেম টাৱাৰ নিৰ্মাণ কৰা আগলৈকে এই পিৰামিডটোৱেই আছিল বিশ্বৰ আটাইতকৈ ওখ মানৱসৃষ্ট গাঁথনি।
লগতে পঢ়কঃ অৱশেষত পৰাজয় স্বীকাৰ ChatGPT ৰ; ভাৰতৰ ইউপিএছচি পৰীক্ষাত ফেইল ইলন মাস্কৰ চ্যাটবট
সম্প্ৰতি এই কৰিডৰটোৰ সম্পৰ্কে পুৰাতাত্বিক সকলে গৱেষণা চলাই আছে। গৱেষণাৰ পিছত হয়তো এই কৰিডৰটোৰ সম্পৰ্কে ওলাব পাৰে নতুন ঐতিহাসিক সমল বা নতুন তথ্য।
লগতে পঢ়কঃ মহাৰাষ্ট্ৰৰ বিধায়কৰ উদ্ভট মন্তব্য-‘গৰাকী বিহীন পথৰ কুকুৰবোৰ ভক্ষণৰ বাবে অসমলৈ পঠিয়াওক’
