বিশ্বনাথৰ মিলনপুৰত ৰহস্যজনকভাবে উদ্ধাৰ হোৱা এজন যুৱকৰ মৃতদেহক লৈ চাঞ্চল্যৰ সৃষ্টি হৈছে।
বিশ্বনাথৰ সামৰিখোৱা গাওঁৰ সুদিপ্ত ৰঞ্জন দাস নামৰ(২৯) যুবকজনৰ মৃতদেহ আজি পুৱা বিশ্বনাথৰ মিলনপুৰত উদ্ধাৰ কৰে বিশ্বনাথ সদৰ আৰক্ষীয়ে।কাষতে উদ্ধাৰ হয় যুৱকজনৰ স্কুটিখন।
শৰীৰত কোনো ধৰণৰ আঘাতৰ চিন প্ৰত্যক্ষ কৰা হোৱা নাই যদিও মৃত যুৱক জনৰ ম’বাইল সম্পূৰ্ণ ফৰমেট কৰা অৱস্থাত উদ্ধাৰ হোৱাক লৈ চাঞ্চল্যৰ সৃষ্টি হৈছে।
স্থানীয় গাওঁবাসীয়ে সন্দেহ প্ৰকাশ কৰিছে যে মৃত যুবকজনক নিশা হত্যা কৰি কোনোবাই সেই স্থানত পেলাই থৈ গৈছে।
লগতে পঢ়ক: মহানগৰীৰ মাজমজিয়াৰ মেঘদূত ভৱনত সংঘটিত চুৰিকাণ্ডক লৈ চাঞ্চল্য
গাওঁবাসীয়ে যুবকজনৰ ৰহস্যজনক ভাবে উদ্ধাৰ হোৱা মৃতদেহটোৰ উচিত তদন্ত বিচাৰিছে।
ইতিমধ্যে বিশ্বনাথ সদৰ আৰক্ষী থানাই মৃতদেহটো মৰণোত্তৰ পৰীক্ষাৰ বাবে বিহালীলৈ প্ৰেৰণ কৰিছে।
আশা কৰা হৈছে মৰণোত্তৰ পৰীক্ষাৰ পিছতহে আৰক্ষীৰ তদন্তত পোহৰলৈ আহিব যুৱকজনৰ মৃত্যুৰ ৰহস্য।
