আমেৰিকাৰ ভাৰ্জিনিয়া প্ৰদেশৰ ৱালমাৰ্টৰ ষ্ট’ৰত মঙলবাৰে সন্ধিয়া এক অচিনাক্ত বন্দুকধাৰীয়ে নিৰ্বিচাৰ গুলীচালনা কৰি একাধিক লোকক গুলীয়াই হত্যা কৰে। এই নিৰ্বিচাৰ আক্ৰমণৰ পিছতে মৃত্যু ঘটিছে দুৰ্বৃত্ত বন্দুকধাৰীৰো।
চেচাপিক আৰক্ষীয়ে এক বিবৃতিত উল্লেখ কৰা মতে ঘটনাস্থলীৰ পৰা আৰক্ষীয়ে কেইবাটাও মৃতদেহৰ লগতে বহুকেইগৰাকী আহত লোকক উদ্ধাৰ কৰিছে। আনহাতে সন্দেহযুক্ত গুলীচালনাকাৰী ব্যক্তিজনৰ কিদৰে মৃত্যু হ’ল সেয়া স্পষ্ট কৰা নাই আৰক্ষীয়ে।
🚨#BREAKING: A Walmart manager has shot multiple employees ⁰
📌#Chesapeake l #VA ⁰
Police are to responding to multiple fatalities and injuries inside a Walmart superstore in VA with officials saying the Manager at Walmart Started to open fire shooting Multiple employees inside pic.twitter.com/JgnCleOvz3— R A W S A L E R T S (@rawsalerts) November 23, 2022
নিহত শ্বুটাৰগৰাকীয়ে অকলেই এই গুলীবৰ্ষণ কৰিছিল বুলি আৰক্ষী নিশ্চিত হৈছে। গুলীচালনাৰ পিছতে ঘটনাস্থলীত বৃহৎ হাৰত আৰক্ষী মোতায়েন কৰা হয় আৰু সেই ঘটনাস্থলীৰ সাধাৰণ নাগৰিকসকলৰ সুৰক্ষা নিশ্চিত কৰা হয়।
স্থানীয় প্ৰশাসনে মৃত্যুৰ সঠিক সংখ্যা এতিয়াও স্পষ্ট কৰা নাই যদিও ১০ জনতকৈ অধিক লোকৰ মৃত্যু হোৱা নাই বুলি আশা প্ৰকাশ কৰিছে।
We’re only a few hours into the response, so we don’t have all the answers yet. Chesapeake Police continue their investigation into the active shooter event at Walmart on Sam’s Circle. We do know there are multiple fatalities plus injuries and the shooter is confirmed dead.
— City of Chesapeake (@AboutChesapeake) November 23, 2022
উল্লেখ্য যে, আমেৰিকাত বন্দুকধাৰীৰ দ্বাৰা সংঘটিত হোৱা হিংসাত্মক ঘটনা ভয়ংকৰ হাৰত বৃদ্ধি পাইছে। ২০২২ বৰ্ষত আমেৰিকা যুক্তৰাষ্ট্ৰত এতিয়ালৈকে ৬০০ ৰো অধিক এনে নিৰ্বিচাৰ গুলীচালনা সংঘটিত হৈছে বুলি গান ভিলেন্স আৰ্কাইভৰ ৱেবছাইটত প্ৰকাশ পাইছে।
