ৰাছিয়াৰ গোলাবৰ্ষণত ইউক্ৰেইনৰ ৬ জন বিস্ফোৰক বিশেষজ্ঞ নিহত হৈছে। তেওঁলোকে দক্ষিণ খেৰচন অঞ্চলত খনন কাৰ্য্যত নিয়োজিত আছিল। ইউক্ৰেইনৰ জৰুৰীকালীন সেৱাই শনিবাৰে এই তথ্য প্ৰকাশ কৰে।
জৰুৰীকালীন সেৱাই টেলিগ্ৰাম বাৰ্তাত জনোৱা মতে, ডিমাইনিং দলৰ আন দুজন সদস্য আহত হৈছে, য’ত এগৰাকী মহিলা নাৰ্ছো আছিল। তেওঁলোক চিকিৎসালয়ত চিকিৎসাধীন হৈ আছে।
লগতে পঢ়ক: আমেৰিকাৰ টেক্সাছৰ শ্বপিং মলত গুলীচালনাৰ ঘটনাত ৯ জন নিহত; বন্দুকধাৰীক গুলীয়াই হত্যা আৰক্ষীৰ
ইউক্ৰেইনৰ ৰাজ্যিক জৰুৰীকালীন সেৱাৰ মুৰব্বী ছেৰহি ক্ৰুকে ফেচবুকত জনায় যে আজি জৰুৰীকালীন সেৱাই তেওঁৰ পৰিয়ালৰ এটা অংশ হেৰুৱালে। খেৰচনৰ এটা অঞ্চলত খনি পৰিষ্কাৰ কৰাৰ সময়তে গোলাবৰ্ষণ কৰা হয়। ইয়াতে আমাৰ ছয়জন বিশেষজ্ঞৰ মৃত্যু হ’ল।
তেওঁ এই পোষ্টটোত অভিযোগ কৰে যে ৰাছিয়াই আন্তঃৰাষ্ট্ৰীয় আইন উলংঘা কৰি আছে। এই সন্দৰ্ভত ৰাছিয়াৰ পৰা কোনো বিবৃতি পোৱা হোৱা নাই।
লগতে পঢ়ক:খাদ্য-সামগ্ৰী, দৰৱ ক্ৰয়ৰ বাবে চুৰাচান্দপুৰত ৩ ঘণ্টাৰ বাবে কাৰ্ফিউ প্ৰত্যাহাৰ; এতিয়াও স্তব্ধ মণিপুৰ
উল্লেখ্য যে ২০২২ চনৰ ২৪ ফেব্ৰুৱাৰীত ৰাছিয়াৰ বাহিনীয়ে ইউক্ৰেইনত আক্ৰমণ চলায়। বৰ্তমান বাখমুত চহৰত ৰাছিয়াৰ সেনা আৰু ইউক্ৰেইনৰ সেনাৰ মাজত তীব্ৰ যুদ্ধ চলি আছে।
