‘নৰ্থ ইষ্ট নাও’ৰ নিয়মীয়া অনুষ্ঠান ‘আপোনাৰ মোৰ কথাৰে’ৰ আজিৰ খণ্ডটোত দল বাগৰা ৰাজনীতিৰ বিষয়ত আলোচনা কৰা হয়।
লেখক-ৰাজনৈতিক বিশ্লেষক ৰণেন কুমাৰ গোস্বামীয়ে আঁত ধৰা অনুষ্ঠানটোত অংশগ্ৰহণ কৰে গুৱাহাটী বিশ্ব বিদ্যালয়ৰ ইতিহাস বিভাগৰ মুৰব্বী অধ্যাপক ৰাজীৱ সন্দিকৈ, দৰং মহাবিদ্যালয়ৰ ইতিহাস বিভাগৰ সহকাৰী কংকন ডেকা,কটন বিশ্ব বিদ্যালয়ৰ ৰাজনীতি বিজ্ঞান বিভাগৰ ছাত্ৰ ত্ৰিদিৱ ভাগৱতী। সমগ্ৰ অনুষ্ঠানটোৰ সাৰমৰ্ম ব্যাখ্যা কৰে ‘নৰ্থ ইষ্ট নাও’ৰ মুখ্য সম্পাদক পৰেশ মালাকাৰে।
অনুষ্ঠানটোত অংশগ্ৰহণকাৰী বক্তাসকলে সাম্প্ৰতিক সময়ত দল বাগৰা ৰাজনীতিৰ চৰিত্ৰ সন্দৰ্ভত বাখ্যা কৰে। দৰং মহাবিদ্যালয়ৰ ইতিহাস বিভাগৰ সহকাৰী কংকন ডেকা দল বাগৰা ৰাজনীতি এতিয়া স্বাভাৱিক হৈ পৰিছে বুলি কয়।
তেওঁ লগতে কয় যে দল বাগৰা নেতাকেই আকৌ ৰাইজে ভোট দি জয়যুক্ত কৰে। তেওঁ সমগ্ৰ ব্যৱস্থাটোৰ এক তাত্বিক বিশ্লেষণ আগবঢ়ায়। অনুষ্ঠানত উপস্থিত থকা কটন বিশ্ব বিদ্যালয়ৰ ৰাজনীতি বিজ্ঞান বিভাগৰ ছাত্ৰ ত্ৰিদিৱ ভাগৱতীয়ে বিষয়টো সন্দৰ্ভত তেওঁ দেখি অহা ঘটনাপ্ৰবাহৰ বিষয়ে উল্লেখ কৰে।
হিতাধিকাৰীৰ সৃষ্টিয়ে কিদৰে ক্ষতি কৰিছে সেই বিষয়েও তেওঁ উল্লেখ কৰে। আন এগৰাকী অংশগ্ৰহণকাৰী গুৱাহাটী বিশ্ব বিদ্যালয়ৰ ইতিহাস বিভাগৰ মুৰব্বী অধ্যাপক ৰাজীৱ সন্দিকৈয়ে এতিয়া আদৰ্শ মানেই ক্ষমতা লাভ বুলি তীৰ্যক মন্তব্য কৰে।
তেঁৱো হিতাধিকাৰী ব্যৱস্থাটো সন্দৰ্ভত বিশ্লেষণধৰ্মী ব্যক্ত আগবঢ়ায়। কৰে ‘নৰ্থ ইষ্ট নাও’ৰ মুখ্য সম্পাদক পৰেশ মালাকাৰে সমগ্ৰ আলোচনাৰ সাৰমৰ্ণ বাখ্যা কৰি কয় যে আদৰ্শৰ প্ৰশ্নটো এতিয়া গৌণ, মুখ্য কথা হৈ পৰিছে ক্ষমতা দখলহে।
তেওঁ সমগ্ৰ প্ৰক্ৰিয়াটো সন্দৰ্ভত তথ্যপূৰ্ণ ভাবে বিশ্লেষণ কৰে। এই আলোচনাৰ ভিডিঅ’লিংক ইয়াত উল্লেখ কৰা হৈছে। পাঠকে এই লিংকৰ জৰিয়তে মনোজ্ঞ আলোচনাটো সম্পূৰ্ণ ৰূপত চাবলৈ পাৰিব।
