বহু লোকৰ ৰোগ প্ৰতিৰোধ ক্ষমতা কম হোৱাৰ বাবে কোভিড-১৯ৰ সংক্ৰমণৰ ফলত মৃত্যুমুখত পৰাৰ বিপৰীতে এই সময়ছোৱাত জন্ম হোৱা শিশুৰ ৰোগৰ বিৰুদ্ধে যুঁজ দিয়াৰ প্ৰচণ্ড শক্তি দেখিবলৈ পোৱা গৈছে।
এক গৱেষণাৰ পৰা জানিব পৰা গৈছে যে লকডাউনত জন্ম হোৱা শিশুৱে অতি কম ৰোগত আক্ৰান্ত হৈছে। কোৱা হৈছে যে আন সময়ত জন্ম হোৱা শিশুতকৈ ইহঁতৰ ৰোগ প্ৰতিৰোধ ক্ষমতা অধিক শক্তিশালী।
আয়াৰলেণ্ড ইউনিভাৰ্চিটি কলেজ কৰ্কৰ গৱেষকসকলে কয় যে লকডাউনৰ সময়ত জন্ম হোৱা শিশু আন শিশুতকৈ পৃথক। ইহঁতৰ আন্ত্ৰিক মাইক্ৰ’বায়’ম আন শিশুৰ তুলনাত যথেষ্ট পৃথক হোৱা দেখা গৈছে। যাৰ বাবে এই শিশুসকলৰ এলাৰ্জীৰ সমস্যা তুলনামূলকভাৱে অতি কম।
মাইক্ৰ’বায়’ম কি?
এন আই এইচৰ মতে, সুস্থ অৱস্থাত থকা আন্ত্ৰিক মাইক্ৰ’বায়’টাত অসংখ্য ইতিবাচক কাৰ্য্য ঘটে, য’ত খাদ্যৰ বদহজম উপাদানৰ বিপাকীয় ক্ৰিয়াৰ পৰা শক্তি উদ্ধাৰ কৰা, সংক্ৰমণৰ বিৰুদ্ধে প্ৰতিৰক্ষা আৰু ৰোগ প্ৰতিৰোধ ক্ষমতাৰ মডুলেচন আদি চামিল।
গৱেষণাত দাবী কৰা হৈছে যে এবছৰত কোভিডত জন্ম লোৱা শিশুৰ মাত্ৰ ৫ শতাংশৰহে এলাৰ্জি হোৱা বুলি ধৰা পৰিছে, আনহাতে ইয়াৰ পূৰ্বে এই সংখ্যা ২২.৮ শতাংশত উপনীত হৈছিল।
কেৱল এয়াই নহয়, এই শিশুসকলৰ মাত্ৰ ১৭ শতাংশইহে এবছৰত এন্টিবায়টিক গ্ৰহণ কৰিবলগীয়া হৈছে। তাৰ আগতে এই হাৰ আছিল ৮০ শতাংশ।
লকডাউনত জন্ম হোৱা শিশুৰ ইমিউনিটিৰ আটাইতকৈ ডাঙৰ কাৰণ এই সময়ত প্ৰদূষণৰ অভাৱ। কাৰণ লকডাউনত সকলো বন্ধ আছিল, যাৰ বাবে বায়ু প্ৰদূষণ শূন্যলৈ হ্ৰাস পাইছিল আৰু শিশুৰ হাওঁফাওঁত আৱৰ্জনা কম হৈছিল।
