পূব লাডাখৰ এলএচিত চীনৰ সেনাই গুলীচালনা কৰাৰ ঘটনা সংঘটিত হৈছে। মাজনিশা ভাৰতীয় সেনা শিৱিৰলৈ এই গুলীচালনা কৰা হৈছিল।
ইয়াৰ প্ৰত্যুত্তৰ দিবলৈ ভাৰতীয় সেনায়ো গুলীচালনা কৰি চীনৰ সেনাক প্ৰত্যুত্তৰ দিয়ে।
এলএচিত উদ্ভৱ হোৱা উত্তপ্ত পৰিস্থিতিৰ মাজতে বিজেপি সাংসদ সুব্ৰমনিয়াম স্বামীয়ে চীনৰ সৈতে আলোচনা সন্দৰ্ভত প্ৰশ্ন উত্থাপন কৰিছে।
সাংসদ স্বামীয়ে মঙলবাৰে টুইট কৰি কয় যে বিদেশ মন্ত্ৰী জয়শংকৰে মস্কোত চীনৰ বিদেশ মন্ত্ৰীগৰাকীৰ সৈতে ককিয় আলোচনা কৰিব লাগে? বিশেষকৈ প্ৰতিৰক্ষা মন্ত্ৰীৰ মাজত আলোচনা হৈ যোৱাৰ পাছত?
তেওঁ কয় যে ২০২০ৰ ৫মে’ৰ পাছৰ পৰা ভাৰতৰ বাবে চীনৰ সৈতে বিদেশ নীতিৰ ওপৰত কোনো বিবাদ মীমাংসা কৰাৰ প্ৰয়োজন নাই। সেয়েহে প্ৰধান মন্ত্ৰী মোদীয়ে বিদেশ মন্ত্ৰীগৰাকীৰ যাত্ৰা বাতিল কৰিবলৈ ক’ব লাগে।
Why does the Foreign Minister Jaishankar have to meet his Chinese counter part in Moscow? Especially after the Defence Ministers have met? India has no foreign policy issues to settle since may 5, 2020. Therefore PM must ask the EAM to cancel his trip. It dilutes our resolve.
— Subramanian Swamy (@Swamy39) September 8, 2020
প্ৰকৃততে, পেংগোং জিলাৰ দক্ষিণ প্ৰান্তত গুলীচলানৰ ঘটনা সংঘটিত হয় য’ত ভাৰতৰ সামৰিক স্থিতি যথেষ্ট শক্তিশালী।
চীনে প্ৰৰোচনামূলকভাৱে গুলীচালনা কৰি ভাৰতীয় সেনাক পিছুৱাই পঠিয়াবলৈ ব্যৰ্থ প্ৰয়াস চলায়। ভাৰতীয় সেনাৰ প্ৰত্যুত্তৰত স্তব্ধ হৈ পৰে চীনৰ প্ৰচেষ্টা।
ভাৰতীয় সেনা জোৱানসকলে চীনক সতৰ্ক কৰি দি নিজৰ সেনা চকীলৈ আহিব খোজা চীনৰ সৈনিকসকলক তৎপৰতাৰে বাধা দিয়ে।
ভাৰতীয় সেনাই কেইবা জাইও গুলী চলায় আৰু ভাৰতৰ প্ৰত্যাহ্বান লাভ কৰি চীনা সেনা থমকি ৰয় আৰু আগলৈ আগবাঢ়ি অহা সৈনিকসকল পিছুৱাই যাবলৈ বাধ্য হয়।
