এছ চি/এছ টি সংশোধনী আইনৰ সাংবিধানিক বৈধতাক উচ্চতম ন্যায়ালয়ৰ অনুমোদন

উচ্চতম ন্যায়ালয়ে সোমবাৰে এছ চি/এছ টি সংশোধনী আইন ২০১৮ৰ সাংবিধানিক বৈধতা অক্ষুন্ন ৰাখে।

ন্যায়ালয়ে লগতে কয় যে য’ত প্ৰাথমিক গোচৰ এটা ৰুজু নহয় কেবল তাতহে এখন আদালতে আগতীয়া জামিন মঞ্জুৰ কৰিব পাৰে।

ন্যায়াধীশ অৰুম মিশ্ৰৰ নেতৃত্বত গঠিত এখন বিচাৰপীঠে কয় যে আইনখনৰ অধীনত এজাহাৰ দাখিল কৰাৰ আগতে এক প্ৰাথমিক তদন্তৰ প্ৰয়োজন নহয় আৰু জ্যেষ্ঠ আৰক্ষী বিষয়াৰ প্ৰয়োজন নাই।

বিচাৰপীঠখনৰ আন এগৰাকী বিচাৰক ন্যায়াধীশ ৰবীন্দ্ৰ ভাটে কয় যে প্ৰতিজন নাগৰিকে তেওৰ সহযোগী নাগৰিকজনক সমান আৰু সমাজৰ মৰ্যাদাৰে সহায় কৰাৰ প্ৰয়োজন।

ন্যায়াধীশ ভাটে কয় যে এখন আদালতে এজাহাৰখন নাকচ কৰিব পাৰে যদি এছ চি/এছ টি সংশোধনী আইনৰ অধীনত এটা প্ৰাথমিক গোচৰ ৰুজু কৰা নহয় আৰু সেইদৰে আগতীয়া জামিনে সংসদৰ অভিপ্ৰায়ক নস্যাৎ কৰিব পাৰে।

উচ্চতম ন্যায়ালয়ে এছ চি/এছ টি সংশোধনী আইন ২০১৮ক প্ৰত্যাহ্বান জনাই দাখিল কৰা এলানি ৰাজহুৱা স্বাৰ্থজনিত আবেদনৰ ওপৰত ৰায়টো প্ৰদান কৰিছিল।