২০২৫ বৰ্ষৰ ভাৰতীয় দলৰ ঘৰুৱা ছিজনৰ সূচী প্ৰকাশ কৰিলে বিচিচিআইয়ে। এই ছিজনত টীম ইণ্ডিয়াই ৪খন টেষ্ট, ৩খন এদিনীয়া আৰু ৫খন টি-২০ মেচ খেলিব। ২ অক্টোবৰৰ পৰা ১৯ ডিচেম্বৰলৈ চলিব টেষ্ট মেচ।
ছিজন আৰম্ভ হ’ব ৱেষ্ট ইণ্ডিজৰ বিৰুদ্ধে দুখন টেষ্টৰ পৰা। প্ৰথম টেষ্ট ২-৬ অক্টোবৰত আহমেদাবাদত আৰু দ্বিতীয়খন ১০-১৪ অক্টোবৰত কলকাতাৰ ইডেন গাৰ্ডেনত অনুষ্ঠিত হ’ব।
ইয়াৰ পিছতে দক্ষিণ আফ্ৰিকাৰ সৈতে তিনিওটা ফৰ্মেটত খেলিব ভাৰতে। প্ৰথম টেষ্ট ১৪ নৱেম্বৰত দিল্লীত আৰু দ্বিতীয়খন ২২-২৬ নৱেম্বৰত গুৱাহাটীৰ বৰ্ষাপাৰাত অনুষ্ঠিত হ’ব। তাৰ পিছত তিনিখন এদিনীয়া হ’ব—৩০ নৱেম্বৰত ৰাঁচীত, ৩ ডিচেম্বৰত ৰায়পুৰত আৰু ৬ ডিচেম্বৰত বিশাখাপট্টনমত। ৫খন টি-২০ মেচ ৯ ডিচেম্বৰৰ পৰা কটক, নিউ চণ্ডীগড়, ধৰ্মশালা, লক্ষ্ণৌ আৰু আহমেদাবাদত অনুষ্ঠিত হ’ব।
উল্লেখ্য যে গুৱাহাটীৰ বৰ্ষাপাৰা ষ্টেডিয়ামত প্ৰথমবাৰৰ বাবে অনুষ্ঠিত হ’ব টেষ্ট মেচ। এই খবৰে অসমৰ ক্ৰিকেটপ্ৰেমীক উৎফুল্লিত কৰি তুলিছে। ইতিমধ্যে আইপিএলৰ দুখন মেচ এই ষ্টেডিয়ামত হৈছে। ৰাজস্থান ৰয়েলছে কলকতা আৰু চেন্নাইৰ বিৰুদ্ধে খেলিছিল। বৰ্ষাপাৰা ষ্টেডিয়ামত ইয়াৰ পূৰ্বে এদিনীয়া আৰু টি-২০ মেচ অনুষ্ঠিত হৈ গৈছে।
টেষ্ট শৃংখলাৰ পাছত, ভাৰত আৰু দক্ষিণ আফ্ৰিকাৰ মাজত তিনিখন এদিনীয়া মেচ অনুষ্ঠিত হ’ব ৩০ নৱেম্বৰ-, ৰাঁচীত, ৰায়পুৰ ৩ ডিচেম্বৰত আৰু বিশাখাপট্টনমত ৬ ডিচেম্বৰত মেচ অনুষ্ঠিত হ’ব। তাৰপিছত, ক্ৰমে কটক- ৯ ডিচেম্বৰ, মুলনপুৰ -১১ ডিচেম্বৰ, ধৰ্মশালা-১৪ ডিচেম্বৰ, লক্ষ্ণৌ -১৭ ডিচেম্বৰ আৰু আহমেদাবাদত১৯ ডিচেম্বৰত পাঁচখন টি-২০ মেচ অনুষ্ঠিত হ’ব। এতিয়া সকলো এদিনীয়া মেচ ১:৩০ বজাৰ পৰা আৰম্ভ হ’ব, আৰু টি-২০ মেচ ৭ বজাৰ পৰা অনুষ্ঠিত হ’ব।
