আজি তেজপুৰ কেন্দ্ৰীয় বিশ্ববিদ্যালয়ৰ নামভৰ্তিৰ বাবে অনুষ্ঠিত হোৱা প্ৰৱেশ পৰীক্ষা (TUEE 2019) ৰ ফলাফল ঘোষণা কৰা হৈছে। যিসকল ছাত্ৰ-ছাত্ৰীয়ে তেজপুৰ বিশ্ববিদ্যালয়ৰ প্ৰৱেশ পৰীক্ষাত অৱতীৰ্ণ হৈছে তেওঁলোকে তেজপুৰ বিশ্ববিদ্য়ালয়ৰ ৱেবচাইটত গৈ পৰীক্ষাৰ ফলাফল লাভ কৰিব পাৰিব।
বিশ্ববিদ্য়ালয়খনৰ বিভিন্ন বিষয়ৰ পাঠ্যক্ৰমৰ বাবে প্ৰৱেশ পৰীক্ষা অনুষ্ঠিত কৰা হৈছিল। পৰীক্ষাৰ্থীসকলে তলত দিয়া ৱেবচাইটত গৈ প্ৰৱেশ পৰীক্ষাৰ ফলাফল চাব পাৰিব।
ৱেব চাইট দুটা হ’ল- tezu.ernet.in আৰু tezuadmissions.com
বিশ্ববিদ্যালয়খনৰ ৱেবচাইটত বিভিন্ন বিষয়ৰ বাবে অৱতীৰ্ণ হোৱা ছাত্ৰ-ছাত্ৰীসকলৰ মেৰিট লিষ্ট প্ৰকাশ কৰা হ’ব। মেৰিট লিষ্টৰ উপৰিও বিশ্ববিদ্যালয় কৰ্তৃপক্ষই এখন ৱেইটিং লিষ্ট প্ৰকাশ কৰিব।
আনহাতে, যদিহে মেৰিট লিষ্টত থকা ছাত্ৰ অথবা ছাত্ৰীগৰাকীয়ে যদি নাম ভৰ্তি নকৰে তেতিয়াহ’লে ৱেইটিং লিষ্টত থকা ছাত্ৰ অথবা ছাত্ৰীগৰাকীয়ে নাম ভৰ্তি কৰিবলৈ সুযোগ লাভ কৰিব।
কেনেদৰে অনলাইনত TUEE 2019 ৰিজাল্ট চাব
প্ৰথমে ওপৰত উল্লেখ কৰা লিংক দুটাৰ যিকোনো এটালৈ গৈ ক্লিক কৰক তাৰ পাছত এডমিশ্যন পোৰ্টেল খোল খাব। এডমিশ্যন পোৰ্টেললৈ গৈ নিজৰ ইমেইল আই ডি আৰু পাছৱ’ৰ্ড টাইপ কৰক আৰু চাবমিট কৰাৰ লগে লগে কম্পিউটাৰ স্ক্ৰীণত ৰিজাল্ট উপলব্ধ হ’ব আৰু ৰিজাল্টৰ এটা পি ডি এফ কোপি ডাউনলোড কৰক।
