আজিৰ পৰা আৰম্ভ হ’ব এছিয়াৰ আটাইতকৈ পুৰণি ফুটবল প্ৰতিযোগিতা ডুৰাণ্ড কাপৰ ১৩১ তম সংস্কৰণ। কলকাতা, ইম্ফল আৰু গুৱাহাটীয়ে যুটীয়াভাৱে আয়োজন কৰিছে এই ঐতিহাসিক ফুটবল প্ৰতিযোগিতাখন।
গুৱাহাটীৰ ইন্দিৰা গান্ধী এথলেটিক ষ্টেডিয়ামত ১৭ আগষ্টৰ পৰা ৪ ছেপ্টেম্বৰৰ ভিতৰত মুঠ দহখন খেল অনুষ্ঠিত হ’ব।
আজি কলকাতাৰ বিবেকানন্দ যুৱ ভাৰতী ক্ৰীড়াঙ্গনত সন্ধিয়া ৭ বজাত এফ চি গোৱা আৰু মহমেদান ফুটবল ক্লাৱৰ মাজত উদ্বোধনী মেচৰ জৰিয়তে প্ৰতিযোগিতাখন আৰম্ভ হ’ব।
উল্লেখ্য যে ১৮৮৮ চনতে আৰম্ভ হোৱা ডুৰাণ্ড কাপ কেৱল ভাৰতৰে নহয়, সমগ্ৰ এছিয়াৰ ভিতৰতে আটাইতকৈ পুৰণি ফুটবল প্ৰতিযোগিতা।
এই ঐতিহাসিক প্ৰতিযোগিতাখনৰ নাম ছাৰ হেনৰী মৰ্টিমাৰ ডুৰাণ্ডৰ নামেৰে ৰখা হৈছে, যি 1884 চনৰ পৰা 1894 চনলৈ ব্ৰিটিছ ভাৰতৰ বৈদেশিক সচিব হিচাপে কাৰ্যনিৰ্বাহ কৰিছিল।
এই ঐতিহাসিক প্ৰতিযোগিতাখন প্ৰথমবাৰৰ বাবে আয়োজন কৰা হৈছিল ছাৰ হেনৰী মৰ্টিমাৰ ডুৰাণ্ডৰ তত্বাৱধানত। তেওঁৰ নামেৰেই প্ৰতিযোগিতাখনৰ নাম ডুৰাণ্ড কাপ ৰখা হয়।
উল্লেখ্য যে ছাৰ হেনৰী মৰ্টিমাৰ ডুৰাণ্ড ১৮৮৪ চনৰ পৰা ১৮৯৪ চনলৈ ব্ৰিটিছ ভাৰতৰ বৈদেশিক সচিব হিচাপে কাৰ্যনিৰ্বাহ কৰিছিল।
ডুৰাণ্ড কাপৰ এই ১৩১ তম সংস্কৰণত মুঠ ২০ টা দলে অংশগ্ৰহণ কৰিব। আই-লীগৰ পাঁচটা দল আৰু সশস্ত্ৰ বাহিনীৰ চাৰিটা দলৰ সৈতে ইণ্ডিয়ান চুপাৰ লীগৰ ১১ টা ক্লাবে প্ৰতিযোগিতাখনত অংশগ্ৰহণ কৰিব।
চল্ট লেক ষ্টেডিয়াম (কলকাতা, পশ্চিম বংগ), নাইহাটি ষ্টেডিয়াম (নাইহাটি, পশ্চিম বংগ), কিশোৰ ভাৰতী ষ্টেডিয়াম (কলকাতা, পশ্চিম বংগ), খুমান লাম্পাক ষ্টেডিয়াম (ইম্ফল, মণিপুৰ) আৰু ইন্দিৰা গান্ধী এথলেটিক ষ্টেডিয়াম (গুৱাহাটী, অসম) ত এই সংস্কৰণৰ মেচসমূহ অনুষ্ঠিত হ’ব।
