‘নাৰী দিৱস’ৰ দিনাই মহিলাৰ বাবে মাহিলী ২৫০০ টকা সাহায্যৰ অনুমোদন দিল্লী চৰকাৰৰ

আন্তঃৰাষ্ট্ৰীয় নাৰী দিৱসৰ দিনা দিল্লীৰ মুখ্যমন্ত্ৰী ৰেখা গুপ্তাই মহিলা সমৃদ্ধি যোজনাত অনুমোদন জনোৱাৰ কথা ঘোষণা কৰে, য’ত মহিলাৰ বাবে ২৫০০ টকাৰ আৰ্থিক সাহায্য অন্তৰ্ভুক্ত কৰা হৈছে। কেইবাদিনো ৰাজনৈতিক আলোচনাৰ অন্তত এই সিদ্ধান্ত বিজেপিৰ নিৰ্বাচনী প্ৰতিশ্ৰুতিৰ অংশ হিচাপে আঁচনিখনৰ সফল ৰূপায়ণ সুনিশ্চিত কৰিবলৈ বাৰ্ষিক বাজেট ৫১০০ কোটি টকা ধাৰ্য কৰা হৈছে।

সংবাদ মাধ্যমক সম্বোধন কৰি মুখ্যমন্ত্রী ৰেখা গুপ্তায়ে কয় যে, কেবিনেটৰ অনুমোদন সাপেক্ষে এই আঁচনিখন আনুষ্ঠানিকভাৱে আৰম্ভ কৰা হ’ব৷ ইয়াৰ উপৰিও আশীষ ছুদ, পৰবেশ ভাৰ্মা, কপিল মিশ্ৰৰ দৰে গুৰুত্বপূৰ্ণ মন্ত্ৰীৰে গঠিত এখন বিশেষ সমিতিয়ে ইয়াৰ কাৰ্যকৰীকৰণৰ তদাৰক কৰিব বুলিও তেওঁ আলোকপাত কৰে। হিতাধিকাৰীৰ পঞ্জীয়নৰ বাবে এটা পৰ্টেল তৈয়াৰ কৰা হ’ব, আৰু আঁচনিখনৰ চৰ্ত আৰু নিয়মসমূহ স্পষ্ট কৰা হ’ব।

দিল্লীৰ মহিলাসকলক প্ৰত্যক্ষ আৰ্থিক সাহায্য প্ৰদান, অৰ্থনৈতিক সুৰক্ষাৰ প্ৰসাৰ আৰু সবলীকৰণৰ লক্ষ্যৰে মহিলা সমৃদ্ধি যোজনা অনা হৈছে। এই আঁচনিখনে আধাৰ ভিত্তিক ই-কেৱাইচিকে ধৰি প্ৰযুক্তিৰ সহায় লৈ ধনৰ স্বচ্ছতা আৰু কাৰ্যক্ষম বিতৰণ নিশ্চিত কৰিব, যিয়ে চহৰখনত মহিলাসকলৰ অধিক স্বাৱলম্বী আৰু স্বাধীন সম্প্ৰদায় গঢ়ি তোলাৰ বাবে চৰকাৰৰ প্ৰতিশ্ৰুতিৰ সংকেত প্ৰদান কৰিব।