দদৰা-শিঙিমাৰি কোভিড চিকিৎসালয় পৰিদৰ্শন; অক্সিজেন প্লান্ট নিৰ্মাণৰ ঘোষণা স্বাস্থ্যমন্ত্ৰীৰ
ফটো: নৰ্থইষ্ট নাও।
নতুন স্বাস্থ্য মন্ত্ৰী হিচাপে দায়িত্ব গ্ৰহণ কৰাৰ পিছতে মুখ্যমন্ত্ৰী হিমন্ত বিশ্ব শৰ্মাৰ সমষ্টিত উপস্থিত হৈ দেওবাৰে কোভিড হাস্পাতাল পৰিদৰ্শন কৰে কেশৱ মহন্তই।
দেওবাৰে সন্ধিয়া স্বাস্থ্যমন্ত্ৰীগৰাকী দদৰা শিঙিমাৰী কোভিড চিকিৎসালয়ত উপস্থিত হৈ কোভিড চিকিৎসালয়খনৰ অৱস্থাৰ বুজ লয়।
আই চি ইউ বেডসহ ৯৪ খন বিচনাযুক্ত চিকিৎসালয়খন পৰিদৰ্শন কৰি মন্ত্ৰীজনে সন্তষ্টি প্ৰকাশ কৰাৰ লগতে চিকিৎসালয়খনৰ আই চিই উ ব্যৱস্থাৰ লগতে অক্সিজেনৰ ব্যৱস্থাও থকা বুলি উল্লেখ কৰে।
মন্ত্ৰীগৰাকীয়ে কম দিনৰ ভিতৰতে চিকিৎসালয়খনৰ লগত সংলগ্ন কৰি এটা অক্সিজেন প্লান্ট নিৰ্মাণ কৰাৰ কথা ঘোষণা কৰে।
আনহাতে, কোভিড সক্ৰমণ ৰোধ কৰাৰ উদ্দেশ্যেৰে অতি সোনকালে আন্ত:জিলাৰ লগত যোগাযোগ বন্ধ কৰাৰো ইংগিত দিয়ে মন্ত্ৰীগৰাকীয়ে।