আগন্তুক নৱবৰ্ষ তথা ২০২৪ আৰু ২৫ বৰ্ষৰ ৰাইজৰ বাবে মুকলি হ’ল গেলেকীৰ কমলাবাৰী বনভোজ স্থলী

উজনি অসমৰ এখন জনপ্ৰিয় বনভোজৰ স্থলী নাজিৰা গেলেকীৰ স্থিত কমলাবাৰী বনভোজ স্থলী। শিৱসাগৰ জিলাৰ অসম নগালেণ্ড সীমান্তত অৱস্থিত এক নান্দনিক পৰিবেশেৰে আৱৰা দৃশ্যই সকলোকে যেন এতিয়া হাত বাওলি মাতিছে ৷ ওখ ওখ পাহাৰ ’ কুলুকুলুকৈ বৈ অহা জুৰিৰ শব্দ আৰু পাহাৰে আৱৰি ৰখা পুখুৰী সমূহত পক্ষীৰ কাকলিৰে মুখৰ এক নান্দনিক পৰিবেশ ৷

এই দৃশ্য সমূহ উপভোগ কৰিবলৈ দেশীবিদেশী পৰ্য্যটকে শীতৰ আগমনৰ লগে লগে ঐতিহ্যক্ষেত্ৰ খনত ভিৰ কৰা পৰিলক্ষিত হয় ৷ চৰকাৰী ভাবে কমলাবাৰীক ঐতিহ্যক্ষেত্ৰ ঘোষণা কৰাৰ পাছৰে পৰা দেশবিদেশৰ পৰ্যটকৰ লগতে অসমৰ বিভিন্ন প্ৰান্তৰ শিক্ষানুস্থান সমুহৰ ছাত্ৰছাত্ৰীয়ে জৈৱ বৈচিত্ৰৰে ভৰপূৰ উদ্যান খনত ক্ষেত্ৰ অধ্যয়নৰ বাবে ভিৰকৰে ৷ ১৪ নবেম্বৰত নাজিৰা সম জিলাৰ আয়ুক্ত কণিকা ৰাঠিয়ে আনুষ্ঠানিক ভাবে উব্দোধন কৰে কমলাবাৰী ঐতিহ্যক্ষেত্ৰ তথা বনভোজস্থলীৰ ৷