কৰ্ণাটকৰ এখন চৰকাৰী বিদ্যালয়ত সংঘটিত হৈছে এক ভয়ংকৰ ঘটনা। বিদ্যালয়খনৰ মুছলমান অধ্যক্ষক চাকৰিৰ পৰা নিলম্বন্ব কৰাবলৈ বিদ্যালয়খনৰ পানীৰ টেংকিত দুষ্ট চক্ৰই বিহ মিহলাই দিয়াৰ অভিযোগ উত্থাপন হৈছে।
এই ঘটনাত ১২ গৰাকী ছাত্ৰ-ছাত্ৰী অসুস্থ হৈ পৰিছে। ইতিমধ্যে আৰক্ষীয়ে মূল অভিযুক্তকে ধৰি তিনিজন লোকক গ্ৰেপ্তাৰ কৰিছে। সোঁপন্থী সংগঠনৰ নাম ‘শ্ৰী ৰাম সেনা’নাম সাঙুৰ খাইছে এই ঘটনাৰ লগত।
যোৱা ১৪ জুলাইত কৰ্ণাটকৰ বেলাগাৱী জিলাৰ এখন চৰকাৰী বিদ্যালয়ত সংঘটিত হৈছিল এই ঘটনা। চুলেমান গৰিনায়েকে নামৰ শিক্ষকগৰাকীয়ে যোৱা ১৩ বছৰ ধৰি সেই বিদ্যালয়খনৰ প্ৰধান শিক্ষক হিচাপে কাম কৰি আহিছে।
আৰক্ষীৰ সূত্ৰ অনুসৰি অভিযুক্তৰ উদ্দেশ্য আছিল অধ্যক্ষ চুলেমানৰ ভাবমূৰ্তি কলংকিত কৰি আন এখন বিদ্যালয়লৈ বদলি কৰা। অঞ্চলটোত আতংকৰ সৃষ্টি কৰিব বিচাৰিছিল অভিযুক্তই।
এই ঘটনাত ১২ গৰাকী ছাত্ৰ-ছাত্ৰী অসুস্থ হৈ পৰিছে। যদিও বৰ্তমান তেওঁলোক চিকিৎসাৰ অন্তত সুস্থ হৈ উঠিছে। কিন্তু এই ঘটনাই সকলোৰে মাজত আতংক বিয়পাই দিছে। অভিভাৱকসকলে নিজৰ সন্তানক স্কুললৈ পঠিয়াবলৈ ভয় কৰা হৈছে।
এই ঘটনা পোহৰলৈ অহাৰ লগে লগে আৰক্ষীয়ে তদন্ত আৰম্ভ কৰিছে। পঞ্চম শ্ৰেণীৰ এজন ছাত্ৰক সোধা-পোছা কৰাৰ পিছত জানিব পৰা গৈছে যে তেওঁৱেই বিদ্যালয়খনৰ পানীৰ টেংকি বিষাক্ত দ্ৰব্যৰে দ্ৰৱীভূত কৰিছিল।
আৰক্ষীৰ সূত্ৰইও জানিব পাৰিছে যে শিশুটিয়ে হেঁচাত এই কাম কৰিছিল। সাগৰ পাটিল আৰু নগান পাটিল নামৰ দুজন যুৱক এই কাণ্ডৰ মাষ্টাৰমাইণ্ড।
জানিব পৰা মতে, সাগৰ পাটিল শ্ৰী ৰামসেনা দলৰ তালুক পৰ্যায়ৰ সভাপতি। ঘটনাৰ মূল অভিযুক্ত হিচাপে তেওঁক চিনাক্ত কৰিছে আৰক্ষীয়ে।
ইতিমধ্যে আৰক্ষীয়ে সাগৰ, নগান আৰু কৃষ্ণ নামৰ এজন ব্যক্তিক গ্ৰেপ্তাৰ কৰিছে। জেৰাৰ সময়ত সাগৰে কয় যে বিদ্যালয়খনৰ মুৰব্বী এজন মুছলমান, তেওঁ এই কথা সহ্য কৰিব নোৱাৰিলে। সেইবাবেই তেওঁ এই কাৰ্য্য কৰিছিল।
