ছাত্ৰ-ছাত্ৰীৰ সংখ্যা শূন্য! কিন্তু শিক্ষকৰ সংখ্যা তিনিজন। এজন প্ৰধান শিক্ষক আৰু দুজন সহকাৰী শিক্ষক। ছত্তীশগড়ৰ তেনে এখন চৰকাৰী প্ৰাথমিক বিদ্যালয় পূৰ্ণ গতিত চলি আছে।
যশপুৰ জিলাৰ দিৱানপুৰ গাঁও পঞ্চায়তত সংঘটিত হৈছে এই ঘটনা। চৰকাৰী প্ৰাথমিক বিদ্যালয়ত ছাত্ৰ-ছাত্ৰী নাই। কিন্তু তিনিজন শিক্ষক। নিয়মিতভাৱে আহে। স্কুল খোলে। সময় হ’লে আকৌ ওলাই যায়। এনেকৈয়ে চলি আছে।
যশপুৰ জিলাৰ এই বিদ্যালয়খনৰ অৱস্থা পোহৰলৈ অহাৰ লগে লগে তাত থকা শিক্ষা ব্যৱস্থাক লৈ প্ৰশ্ন উত্থাপন হ’বলৈ আৰম্ভ কৰিছে। জিলাখনৰ প্ৰায়বোৰ বিদ্যালয়ৰ অৱস্থা একেই বুলি স্থানীয় ৰাইজৰ অভিযোগ। শিক্ষকসকলৰ সদিচ্ছাক লৈও অভিযোগ উত্থাপন হৈছে। বছৰৰ পাছত বছৰ ধৰি বিদ্যালয়খনৰ উন্নয়নৰ বাবে ধন আহি আছে। কিন্তু শিক্ষা ব্যৱস্থাৰ অৱস্থাৰ বাবে চৰকাৰৰ ভূমিকাকো বিভিন্ন মহলত সমালোচনা কৰা হৈছে।
দিৱানপুৰ গ্ৰাম পঞ্চায়তৰ হোলবোৱা অঞ্চলৰ বস্তি। মুঠ ১০-১৫টা পৰিয়াল সেই বস্তিত থাকে। আনকি সেই বস্তিৰ পৰাও কোনো ছাত্ৰ বিদ্যালয়লৈ নাহে। কিন্তু কিয় কোনো ছাত্ৰই বিদ্যালয়ত নামভৰ্তি লাভ কৰা নাই। কিয় পঢ়িবলৈ নাহে? শিক্ষা বিয়পোৱাৰ বাবে সজাগতা অভিযান চলোৱা নহয় বুলি স্থানীয় ৰাইজৰ অভিযোগ। শিক্ষকসকলৰ মাজতো সদিচ্ছাৰ অভাৱ। বহুতে অভিযোগ কৰিছে যে অধ্যয়ন সঠিকভাৱে কৰা নহয়। ফলত বিদ্যালয়খনত ছাত্ৰ-ছাত্ৰীৰ সংখ্যা দিনক দিনে কমি আহিছে। অৱশেষত সেই সংখ্যা শূন্যলৈ আহিল।
