চীনৰ এগৰাকী জ্যেষ্ঠ চিকিৎসা বিষয়াই বুধবাৰে কৈছে যে ক’ভিড-১৯ৰ উৎপত্তি সম্পৰ্কে চীনে বিশ্ব স্বাস্থ্য সংস্থাই নিয়োগ কৰা গৱেষকসকলৰ আগত তথ্য প্ৰদান নকৰাৰ অভিযোগটো ভিত্তিহীন।
মঙলবাৰে চীন আৰু বিশ্ব স্বাস্থ্য সংস্থাই যুটীয়াভাৱে প্ৰস্তুত কৰা ক’ভিড-১৯ৰ উৎপত্তি সম্পৰ্কীয় প্ৰতিবেদনখন অফিচিয়েলভাৱে প্ৰকাশ কৰা হয়।
তাৰপাছতে বিশ্ব স্বাস্থ্য সংস্থাৰ সঞ্চালকপ্ৰধান টেড্ৰ’জ আধানম ঘেব্ৰেয়াছুছে কৈছিল যে কৰোণাভাইৰাছৰ উৎপত্তিস্থল ৱুহানলৈ আন্তঃৰাষ্ট্ৰীয় অনুসন্ধানকাৰীসকল যাওতে চীনে তেওঁলোকৰ পৰা তথ্য লুকুৱাইছিল।
কিন্তু লিয়াং ৱান্নিনিয়ান নামৰ চীনৰ জ্যেষ্ঠ চিকিৎসা বিষয়াজনে সাংবাদিকক কয় যে চীন আৰু আন্তঃৰাষ্ট্ৰীয় গৱেষকসকলৰ মাজত তথ্যৰ কোনো পাৰ্থক্য নাই।
চিকিৎসা বিষয়াজনে গৱেষণা অনুসন্ধানটোত সহকাৰীভাৱে নেতৃত্বও গ্ৰহণ কৰিছিল।
তদুপৰি চীনৰ ৰাষ্ট্ৰীয় স্বাস্থ্য আয়োগে গঠন কৰা কভিড-১০ সম্পৰ্কীয় বিশেষজ্ঞ সমিতিখনৰো মুৰব্বী হিচাপে কৰ্মৰত আছে।
”এইটো সঁচা যে কিছুমান তথ্য চীনদেশৰ আইন অনসুৰি এৰি দিয়া নহয় আৰু ফটোও মৰা নহয়, কিন্তু যেতিয়া আমি এইসমূহ ৱুহানত বিশ্লেষণ কৰিছিলো, তেতিয়া সকলোৱে তথ্যসমূহ দেখা পাইছিলো- এয়া সকলো একেলগে কৰা হৈছিল।”- তেওঁ কয়।
লিয়াঙে এই অভিযোগো নস্যাৎ কৰিছে যে প্ৰতিবেদনখনৰ প্ৰকাশ কৰোতে চীনে পলম কৰি আছে।
তেওঁ কয় যে প্ৰতিবেদনখন মুকলি কৰাৰ পূৰ্বে সকলো বাক্য, সকলো মন্তব্য, সকলো তথ্য দুয়ো পক্ষই পৰীক্ষা কৰি চোৱা উচিত।
তেওঁ কয় যে চীনৰ ফালৰ পৰা কভিড-১৯ সম্পৰ্কীয় যুটীয়া গৱেষণাটো সমাপ্ত হৈছে।
