মণিপুৰৰ কুকি জোমি জনগোষ্ঠীৰ বিৰুদ্ধে হোৱা হিংসা আৰু কেন্দ্ৰৰ নিষ্ক্ৰিয়তাক লৈ মঙলবাৰে আইজলত মিজোৰামৰ নাগৰিক সমাজৰ সংগঠনসমূহে এক ব্যাপক প্ৰতিবাদ সাব্যস্ত কৰে।
মণিপুৰত কুকি-মাৰ-মিজো-জোমি জনগোষ্ঠীৰ ওপৰত ভয়াবহ নিৰ্যাতনৰ বিৰুদ্ধে আইজলত ৰাজপথলৈ ওলাই আহে হাজাৰ হাজাৰ লোক।
ছ’চিয়েল মিডিয়াত মণিপুৰৰ কাংপকপি জিলাত দুগৰাকী মহিলাক উলংগ হৈ খোজ কাঢ়িবলৈ বাধ্য কৰা এক ভিডিঅ’ প্ৰকাশ পোৱাৰ পিছতে এই প্ৰতিবাদ।
Protest over #Manipur in Mizoram capital Aizawl right now https://t.co/MjFi91eUG8 pic.twitter.com/guJlMSznya
— Indrajit Kundu | ইন্দ্রজিৎ (@iindrojit) July 25, 2023
চেন্ট্ৰেল ইয়ং মিজো এছ’চিয়েশ্যনৰ (CYMA) নেতা অধ্যাপক লালনুন্টলুৱাংগাই কয় যে মণিপুৰত জো জনগোষ্ঠীয় লোকসকলে ভুগি থকা অত্যাচাৰৰ বাবে তেওঁলোকে এইদৰে ৰাজপথলৈ ওলাই আহি তেওঁলোকৰ সৈতে সহমৰ্মিতা প্ৰকাশ কৰিছে।
মণিপুৰৰ কুকিসকলৰ মিজোসকলৰ সৈতে ঘনিষ্ঠ গোষ্ঠীগত সম্পৰ্ক আছে, যাৰ ফলত মিজোৰামৰ নাগৰিক সমাজৰ বাবে বিষয়টো অতি গুৰুত্বপূৰ্ণ হৈ পৰিছে।
