বোকাখাতত থকা ইউনাইটেত গ্ৰাম্য স্ব-ৰোজগাৰ প্ৰশিক্ষণ প্ৰতিষ্ঠানত আজিৰ পৰা দহ দিনীয়া কাৰ্যসূচীৰে টুৰিষ্ট গাইডৰ এক প্ৰশিক্ষণ কৰ্মশালা আৰম্ভ হৈছে।
এই উপলক্ষে আজি আয়োজিত আৰম্ভণি অনুষ্ঠানত বিশিষ্ট ব্যক্তি হিচাপে উপস্থিত থাকে গোলাঘাট জিলাৰ অতিৰিক্ত উপায়ুক্ত তথা গ্ৰামোন্নয়ৰ প্ৰকল্প সঞ্চালক উৎপল দলে, বোকাখাতৰ চক্ৰ বিষয়া খনিন্দ্ৰ দাস, মহকুমা তথ্য আৰু জন সংযোগ বিষয়া মামন বৰকটকী আৰু বোকাখাতৰ বিশিষ্ট সমাজসেৱী অনিমেষ শইকীয়া।
প্ৰকল্প সঞ্চালক উৎপল দলেই বন্তি প্ৰজ্বলন কৰি প্ৰশিক্ষণ কাৰ্যসূচী উদ্বোধন কৰাৰ পিছতে ইউনাইটেত আৰছেটিৰ সঞ্চালক বিদ্যুত খাতনিয়াৰে আঁত ধৰা অনুষ্ঠানটোত উপস্থিত ব্যক্তি সকলে পৰ্য্যটন উদ্যোগত টুৰিষ্ট গাইড প্ৰশিক্ষণৰ বিশেষ আৱশ্যকতাৰ ওপৰত বিস্তৃত ভাবে আলোচনা কৰে।
মুঠ ৩৫ গৰাকী প্ৰশিক্ষাৰ্থীয়ে অংশগ্ৰহন কৰা উক্ত প্ৰশিক্ষণ কৰ্মশালাৰ আজিৰ প্ৰথম দিনৰ কাৰ্যসূচীত প্ৰশিক্ষাৰ্থী সকলক প্ৰশিক্ষণৰ আনুসংগিক বিষয় সমূহৰ ওপৰত ইউনাইটেত গ্ৰাম্য স্ব-ৰোজগাৰ প্ৰশিক্ষণ প্ৰতিষ্ঠানৰ তৰফৰ পৰা বাখ্যা প্ৰদান কৰা হয়।
কাইলৈ অৰ্থাৎ ২০ চেপ্তম্বৰৰ পৰা পৰ্য্যটন বিষয়ৰ দক্ষ ব্যক্তিসকলে অংশগ্ৰহণকাৰি প্ৰশিক্ষাৰ্থী সকলক প্ৰশিক্ষণ প্ৰদান কৰিব।
