বিশ্বৰ বিভিন্ন প্ৰান্তত ক’ৰ’না ভাইৰাছে সংহাৰী ৰূপ ধাৰণ কৰাৰ সময়তে হলিউদ ইণ্ডাষ্ট্ৰিৰ পৰা আহিছে এটা বেয়া খবৰ।
ট্ৰান্সফৰ্মাৰ্ছ আৰু মেন্সফিল্ড পাৰ্কৰ দৰে জনপ্ৰিয় ছবিত কাম কৰা অভিনেত্ৰী ছ’ফিয়া মাইলছৰ পিতৃ পিটাৰ মাইলছৰ মৃত্যু হয়। ক’ৰ’নাত আক্ৰান্ত হৈ তেওঁ দীৰ্ঘদিনৰ পৰা চিকিৎসাধীন হৈ আছিল।
অভিনেত্ৰী গৰাকীয়ে আজি ছ’চিয়েল মিডিয়াযোগে তেওঁৰ পিতৃৰ মৃত্যুৰ খবৰ ৰাজহুৱা কৰে।
টুইটত অভিনেত্ৰীগৰাকীয়ে লিখিছে, ‘RIP পিটাৰ মাইলছ। কেইঘণ্টামান পূৰ্বে মোৰ মৰমৰ দেউতাৰ মৃত্যু হয়। অৱশেষত ক’ৰ’না ভাইৰাছে মোৰ দেউতাক লৈ গ’ল’।
RIP Peter Myles. ❤️
My dear Dad died only a few hours ago. It was the Corona Virus that finally took him.
— Sophia Myles (@SophiaMyles) March 21, 2020
উল্লেখ্য যে হলিউদ ইণ্ডাষ্ট্ৰিৰ বহুতো অভিনেতা-অভিনেত্ৰীয়ে ক’ৰ’না ভাইৰাছৰ পৰীক্ষা কৰা পৰিলক্ষিত হৈছে। ইয়াৰ ভিতৰত অভিনেতা টম হেংছ আৰু তেওঁৰ পত্নী, অভিনেত্ৰী ৱিলছন, বৃটিশ্ব অভিনেতা ইডৰিছ এল্বা আদি।
ইফালে ভাৰতত বলিউদৰ জনপ্ৰিয় গায়িকা কনিকা কাপুৰ এই মাৰাত্মক ভাইৰাছবিধৰ কৱলত পৰিছে। বৰ্তমান লক্ষ্ণৌত তেওঁৰ চিকিৎসা চলি আছে।
তথ্য অনুসৰি এই পৰ্যন্ত বিশ্বত ক’ৰ’না ভাইৰাছৰ ফলত ১৩ হাজাৰৰো অধিক লোকে প্ৰাণ হেৰুৱাইছে।
