ত্ৰিপুৰাৰ হিংসাত্মক পৰিস্থিতিৰ বিৰুদ্ধে অৱস্থান লোৱাৰ পিছতে ত্ৰিপুৰা চৰকাৰে দমনমূলকভাৱে UAPA জাপি দিয়া সাংবাদিক তথা অন্য লোকসকলক গ্ৰেপ্তাৰৰ সন্মুখীন হোৱাৰ পৰা সুৰক্ষা দিব উচ্চতম ন্যায়ালয়ে। মুখ্য ন্যায়াধীশ এন.ভি. ৰমনা আৰু ন্যায়াধীশ ডি.ৱাই. চন্দ্ৰচূড় আৰু সূৰ্য কান্তৰ বিচাৰপীঠে কয় এই সম্পৰ্কত কয়, “জাননী জাৰি কৰক। কোনো বলপূৰ্বক পদক্ষেপ গ্ৰহণ কৰা উচিত নহয়।”
আৱেদনকাৰীসকলক প্ৰতিনিধিত্ব কৰা অধিবক্তা প্ৰশান্ত ভূষণে দাখিল কৰিছিল যে ৰাজ্যখনত সংঘটিত হিংসাৰ সন্দৰ্ভত অধিবক্তাসকলে তথ্য অনুসন্ধানৰ বাবে যোৱাৰ পিছত তেওঁলোকৰ বিৰুদ্ধে এজাহাৰ দাখিল কৰা হৈছিল। বিচাৰপীঠে ৰাজ্যখনৰ পৰা এই সন্দৰ্ভত প্ৰতিক্ৰিয়া বিচাৰিবলৈ সিদ্ধান্ত লয়।
১১ নৱেম্বৰত উচ্চতম ন্যায়ালয়ে ত্ৰিপুৰা আৰক্ষীৰ কেইবাজনো উকীল, কৰ্মী আৰু সাংবাদিক শ্যাম মীৰা সিঙৰ বিৰুদ্ধে বেআইনী কাৰ্যকলাপ (প্ৰতিৰোধ) আইন (UAPA) প্ৰয়োগ কৰাৰ সিদ্ধান্তক প্ৰত্যাহ্বান জনোৱা এক আবেদনৰ আজি বিচাৰপীঠে শুনানি গ্ৰহণ কৰে।
আৱেদনকাৰীসকলে উল্লেখ কৰিছিল যে ২০২১ চনৰ অক্টোবৰ মাহৰ শেষৰ ফালে ত্ৰিপুৰাত মুছলমান সংখ্যালঘুসকলৰ বিৰুদ্ধে ৰাজনৈতিক হিংসাৰ সন্দৰ্ভত সংবিধানৰ ৩২ নং অনুচ্ছেদৰ অধীনত এই আবেদন দাখিল কৰা হৈছে।
শেহতীয়াকৈ, ত্ৰিপুৰা আৰক্ষীয়ে এজন সাংবাদিক আৰু অন্যান্য কৰ্মীৰ বিৰুদ্ধে UAPAৰ অধীনত দণ্ডনীয় অপৰাধৰ বাবে গোচৰ ৰুজু কৰিছিল। আৱেদনকাৰী – মুকেশ, আনছাৰুল হক আনছাৰী, আৰু শ্যাম মীৰা সিঙে তেওঁলোকৰ বিৰুদ্ধে পঞ্জীয়ন কৰা FIR বাতিল কৰিবলৈ উচ্চতম ন্যায়ালয়ত আবেদন কৰিছিল।
