শেহতীয়াকৈ আমেৰিকাৰ ৰাষ্ট্ৰপতি ড’নাল্ড ট্ৰাম্পে ভাৰতীয় ৰপ্তানিৰ ওপৰত ৫০% শুল্ক আৰোপ কৰাৰ ফলত, ভাৰতীয় বজাৰত ইয়াৰ প্ৰভাৱ দেখিবলৈ পোৱা গৈছে। বিশেষ কৈ আগ্ৰাৰ চামৰা খণ্ডৰ জোতা আৰু বেল্টৰ ব্যৱসায়ত যথেষ্ট প্ৰভাৱ পৰিছে। অতিৰিক্ত ২৫% বৃদ্ধিৰ ভাবুকিৰ পিছত পুনৰ ৫-৮%ৰ পৰা ২৫%লৈ শুল্ক বৃদ্ধি কৰাৰ পিছত চামৰাৰ সামগ্ৰীৰ দৰে মূল ৰপ্তানিসমূহক লক্ষ্য কৰি লৈছে, যাৰ ফলত অঞ্চলটোত হাজাৰ হাজাৰ চাকৰি বিপদাপন্ন হৈ পৰিছে। হস্তশিল্প আৰু চামৰাৰ সামগ্ৰীৰ বাবে পৰিচিত আগ্ৰাই বছৰি প্ৰায় ১২০০ কোটি টকা মূল্যৰ আমেৰিকালৈ ৰপ্তানি কৰে যদিও নতুন শুল্কৰ বাবে বিনিয়োগ আৰু অৰ্ডাৰ স্থবিৰ হৈ পৰিছে। আমেৰিকাৰ বজাৰৰ পৰা চাহিদা তীব্ৰভাৱে হ্ৰাস পোৱাৰ লগে লগে স্থানীয় ব্যৱসায়ীসকলে এক বৃহৎ সংকটৰ আশংকা কৰিছে।
এই শুল্কৰ ফলত কেৱল আগ্ৰাই নহয়, কানপুৰৰ চামৰা আৰু মেৰুটৰ অটো পাৰ্টছকে ধৰি উত্তৰ প্ৰদেশৰ বৃ্হৎ ৰপ্তানিক প্ৰভাৱিত কৰিছে। আগ্ৰাত চামৰাৰ বেল্ট আৰু জোতাৰ নিৰ্মাণ্কাৰী ক্ষুদ্ৰ আৰু মজলীয়া উদ্যোগসমূহ আটাইতকৈ বেছি ক্ষতিগ্ৰস্ত হৈছে, উৎপাদন মন্থৰ হোৱাৰ খবৰ পোৱা গৈছে। উদ্যোগৰ নেতাসকলে কয় যে এই পদক্ষেপক আলোচনাৰ জৰিয়তে সমাধান নকৰিলে ৰপ্তানিৰ হাৰ ৩০-৪০% হ্ৰাস পাব পাৰে।
ভাৰত চৰকাৰৰ বিষয়াসকলে ইয়াৰ প্ৰভাৱ কম কৰিবলৈ আমেৰিকাৰ সৈতে আলোচনাৰ আহ্বান জনাইছে, আনহাতে ব্যৱসায়ী সকলে ইউৰোপৰ দৰে বিকল্প বজাৰৰ সন্ধান কৰিছে। অৱশ্যে ইয়াৰ তাৎক্ষণিক প্ৰভাৱ ইতিমধ্যে অনুভৱ কৰা হৈছে।
