মানৱ সৰবৰাহ চক্ৰৰ সৈতে জড়িত থকাৰ অভিযোগত নগাঁও আৰক্ষীয়ে শনিবাৰে নিশা বৰভেটিৰ পৰা এহাল দম্পতিক গ্ৰেপ্তাৰ কৰিছে।
আৰক্ষীয়ে জানিবলৈ দিয়া মতে পতি-পত্নী দুজনেই দেশৰ বিভিন্ন স্থানৰ পৰা যুৱতী মহিলা সৰবৰাহৰ সৈতে জড়িত।
তেওঁলোকে সাধাৰণতে চাকৰি দিয়াৰ প্ৰলোভন দেখুৱাই যুৱতী-মহিলাসকলক আনি তাৰপাছত ‘বিক্ৰী কৰি দিয়া’ৰ অভিযোগ আছে।
লগতে পঢ়ক: বিজনীত গ্ৰেপ্তাৰ দিল্লী আৰক্ষীৰ ম’ষ্ট ৱান্টেড তালিকাত থকা তিনিজন দাগী অপৰাধীক
আৰক্ষীয়ে জানিবলৈ দিয়া মতে তেওঁলোকক ৰেজাউল হুছেইন আৰু তেওঁৰ দ্বিতীয় পত্নী বুলি চিনাক্ত কৰা হৈছে। তেওঁলোক জুৰীয়াৰ বাসিন্দা আৰু বৰভেটিৰ এটা ভাৰাঘৰৰ পৰা এই কাম চলাই আহিছিল।
আৰক্ষীৰ মতে সূত্ৰসমূহৰ পৰা লাভ কৰা তেওঁলোকৰ এক দেশজোৰা মানৱ সৰবৰাহকাৰী চক্ৰৰ সৈতে সম্পৰ্ক থকা তথ্যৰ ভিত্তিত তেওঁলোকক গ্ৰেপ্তাৰ কৰা হৈছে।
লগতে পঢ়ক:হিমন্ত বিশ্ব শৰ্মাক অপসাৰণ কৰিবলৈ প্ৰধানমন্ত্ৰী মোদীক দাবী জনালে তেলেংগানাৰ মুখ্যমন্ত্ৰীয়ে
তেওঁলোক দুয়োজনকে ন্যায়িক জিম্মালৈ প্ৰেৰণ কৰা হৈছে আৰু পৰৱৰ্তী তদন্ত অব্যাহত ৰখা হৈছে।
আৰক্ষীয়ে লগতে ঘটনাৰ বলি এগৰাকী মহিলাকো উদ্ধাৰ কৰে।
