গুৱাহাটীত অঘটন।ভৰা ব্ৰহ্মপুত্ৰত সন্ধানহীন হৈছে এটি শিশু আৰু এজন যুৱক।
গুৱাহাটীৰ ৰজাদুৱাৰ ঘাটত ব্ৰহ্মপুত্ৰত পৰিল এটি ১২ বছৰীয়া শিশু।
শিশুটিৰ নাম ছাইদুল ইছলাম বুলি জানিব পৰা গৈছে। ছাইদুলৰ সন্ধানত পুৱাৰে পৰা SDRF, NDRF ৰ অভিযান অব্যাহত ৰাখিছে।
তথাপি এই পৰ্যন্ত সন্ধান পোৱা হোৱা নাই শিশুটিৰ । মঙলবাৰে গধুলি ৭ বাজি ১১ মিনিটত ব্ৰহ্মপুত্ৰত পৰিছিল শিশুটি।
সন্ধানহীন শিশুটিক লৈ অভিযান চলি থকাৰ মাজতে ঘটিল আন এক কৰুণ অঘটন। অভিযানকাৰী দলৰ চকুৰ আগতে একে স্থানতে সন্ধানহীন হয় এজন যুৱক।
এয়া আজি আবেলি দুই বজাৰ ঘটনা । লগৰীয়াৰ সৈতে সাঁতুৰি থকা অৱস্থাতে হঠাৎ ব্ৰহ্মপুত্ৰত ডুবি সন্ধানহীন হয় যুৱকজন ।
যুৱকজনৰ সন্ধানতো লগে লগে আৰম্ভ হয় SDRF-NDRF ৰ অভিযান। এই পৰ্যন্ত সফল হ’ব পৰা নাই উদ্ধাৰকাৰী বাহিনী।
