স্বাস্থ্য বিষয়াসকলে শুকুৰবাৰে জনায় যে ডিব্ৰুগড়ৰ মৰাণ চহৰত তীব্ৰ ঠাণ্ডাৰ ফলত এটি মাত্ৰ ৪ মহীয়া আৰু আন এটি এবছৰীয়া শিশুৰ মৃত্যু ঘটিছে।
বাতৰি অনুসৰি, চানী আৰু ৰাজমনী ধনৱাৰৰ দ্বিতীয় পুত্ৰ ৪ মহীয়া কেঁচুৱাটোৰ শুই থকা অৱস্থাতে মৃত্যু হয়। শিশুটিক ইয়াৰ আগেয়ে টিকাকৰণৰ বাবে ক্লিনিকলৈ অনা হৈছিল আৰু কোনো ডাঙৰ লক্ষণ নোহোৱাত ঘৰলৈ প্ৰেৰণ কৰা হৈছিল।
লগতে পঢ়ক: মহানগৰীৰ নাৰেংগীত পাঠানৰ পোষ্টাৰ জ্বলালে বজৰং দলে
দুৰ্বল জীৱন-যাপনৰ পৰিস্থিতি, উৰুখা চাল আৰু অপৰ্যাপ্ত দেৱাল আৰু চিলিং আদিয়েই কেঁচুৱাটোৰ মৃত্যুৰ কাৰণ ধাৰণা কৰা হৈছে। অত্যাধিক ঠাণ্ডাৰ ফলত আন এবছৰীয়া কেঁচুৱাটোৰো মৃত্যু হয়।
তদুপৰি, ঠাণ্ডা বতৰৰ পৰিস্থিতিৰ বাবে অঞ্চলটোত একাধিক লোকৰ মৃত্যু হোৱাৰ খবৰ পোৱা গৈছে।
যোৱা ৬ জানুৱাৰীত লামডিং ৰে’ল ষ্টেচনৰ ১ নং প্লেটফৰ্মত এগৰাকী মহিলাক মৃত অৱস্থাত পোৱা গৈছিল। প্ৰত্যক্ষদৰ্শীসকলে সন্দেহ কৰিছিল যে ঠাণ্ডাৰ বাবেই তেওঁৰ মৃত্যু হৈছিল।
লগতে পঢ়ক: অন্ধবিশ্বাস! সন্তান লাভৰ আশাত মানুহৰ হাড়ৰ গুৰি খুৱাই দিয়াৰ অভিযোগ মহিলাৰ
আনহাতে, ৫ জানুৱাৰীত লামডিং ৰে’লৱে জংচনত আন এগৰাকী মহিলা আৰু এজন যুৱকক মৃত অৱস্থাত উদ্ধাৰ কৰা হৈছিল। এইটোও ঠাণ্ডাৰ পৰা সুৰক্ষাৰ অভাৱৰ বাবে মৃত্যুৰ সন্দেহ কৰা হয়।
