বৃহস্পতিবাৰে অসমত কমেও দুজন লোকৰ ভেক্টৰজনিত ৰোগ জাপানীজ এনকেফেলাইটিছত মৃত্যু হয়।
বাতৰি অনুসৰি, সুস্মিতা বসুমতাৰী নামৰ কিশোৰীগৰাকীয়ে এই ৰোগৰ সৈতে কেইবাদিনো ধৰি যুঁজি অৱশেষত মৃত্যুক সাৱটি লয়। সুস্মিতা চিৰাঙৰ বাসুগাঁৱৰ বাসিন্দা।
আন এক ঘটনাত নগাঁৱৰ এখন ব্যক্তিগত চিকিৎসালয়ত চিকিৎসাধীন হৈ থকা এগৰাকী সমাজকৰ্মী মুকুট ভূঞাৰ মৃত্যু হয়।
লগতে পঢ়ক: অথলে গ’ল ৰিয়ান পৰাগৰ দৰ্শনীয় প্ৰদৰ্শন! দেওধৰ ট্ৰফীত ইষ্ট জ’নক পৰাস্ত কৰি চেম্পিয়ন ছাউথ জ’ন
এই দুজনৰ মৃত্যুৰ লগে লগে জুলাইৰ ভিতৰত অসমত জাপানীজ এনকেফেলাইটিছ সম্পৰ্কীয় মৃত্যুৰ সংখ্যা তিনিজনলৈ বৃদ্ধি পালে।
অসমৰ ৰূপহীহাটৰ এজন ১১ বছৰীয়া ল’ৰাৰ জাপানীজ এনকেফেলাইটিছ ৰোগত আক্ৰান্ত হৈ যোৱা ১ আগষ্টত মৃত্যু হয়। নিহত ল’ৰাজনৰ নাম টাইবুৰ ইছলাম।
নগাঁৱৰ এখন ব্যক্তিগত চিকিৎসালয়ত চিকিৎসাধীন অৱস্থাত তেওঁৰ মৃত্যু হয়।
উল্লেখ্য যে জাপানীজ এনকেফেলাইটিছ হৈছে মহৰ কামোৰৰ দ্বাৰা বিয়পি পৰা ভাইৰাছজনিত মগজুৰ সংক্ৰমণ।
লগতে পঢ়ক: তুমুল হুলস্থুলৰ মাজতে লোকসভাত গৃহীত দিল্লী সেৱা বিধেয়ক; বিৰোধীৰ সদন ত্যাগ, নিলম্বিত আপ সাংসদ
এই ভাইৰাছ স্বাভাৱিকতে গাহৰি আৰু চৰাইৰ দেহত থাকে আৰু আক্ৰান্ত জীৱ-জন্তুক কামোৰাৰ পিছত মহ বাহক হৈ পৰে।
