ৰাজ্যত পুনৰ দুজন কোভিড১৯ পজিটিভ : ১০৪ জনলৈ বৃদ্ধি পালে আক্ৰান্তৰ সংখ্যা

আজিৰ দিনটোত পুনৰ দুজন বৃদ্ধি পালে কোভিড১৯ত আক্ৰান্তৰ।

স্বাস্থ্য মন্ত্ৰী ডঃ হিমন্ত বিশ্ব শৰ্মাই টুইটযোগে জনাইছে এই কথা।

শেহতীয়াকৈ গোলাঘাটৰ দুজন লোক কৰ’নাত আক্ৰান্ত বুলি টুইটাৰ যোগে প্ৰকাশ কৰে স্বাস্থ্য মন্ত্ৰী হিমন্ত বিশ্ব শৰ্মাই।

আক্ৰান্ত লোক দুজনৰ পৰিচয় এই মুহূৰ্তলৈকে ঘোষণা কৰা নাই মন্ত্ৰী গৰাকীয়ে।

ইয়াৰ লগে লগে ৰাজ্যত ক’ৰ’না ত আক্ৰান্ত লোকৰ সংখ্যা ১০৪ জনলৈ বৃদ্ধি পালে৷

উল্লেখ্য যে, সোমবাৰৰ দিনটোত ৪ জন আক্ৰান্ত চিনাক্ত হোৱাৰ লগতে এজন আক্ৰান্তৰ মৃত্যু হৈছে৷

বৰ্তমান ৫৮ জন চিকিৎসাধীন হৈ থকাৰ বিপৰীতে ৪১ জনক চিকিৎসালয়ৰ পৰা মুকলি কৰি দিয়া হয়৷

বৰ্তমানলৈ অসমত কৰ’নাত আক্ৰান্ত ৰোগী ৩ জনৰ মৃত্যু হৈছে৷