দৰং আৰক্ষী আৰু ওৰাং ৰাষ্ট্ৰীয় উদ্যান তথা ব্যাঘ্ৰ সংৰক্ষণ প্ৰকল্পৰ কৰ্মীৰ যৌথ অভিযানত চিকাৰৰ সন্ধানত থকা দুজন চোৰাং চিকাৰী আৰু এজন শ্বাৰ্প শ্বুটাৰ (অভেদ্য লক্ষ্য ভেদিব পৰা)ক গ্ৰেপ্তাৰ কৰে।
দৰঙৰ আৰক্ষী অধীক্ষক অমৃত ভূঞাই জানিবলৈ দিয়ে যে চোৰাং চিকাৰী দুজন এটা ‘সংঘবদ্ধ, সশস্ত্ৰ চোৰাং চিকাৰী দলৰ’ সদস্য।
আৰক্ষীয়ে গ্ৰেপ্তাৰ কৰা চোৰাং চিকাৰী চমছেৰ আলী আৰু মোৰাজ আলীয়ে আৰক্ষীৰ সন্মুখত স্বীকাৰ কৰিছে যে তেওঁলোকে ১২ নং আছাম ৰাইফলছৰ এজন পলাতক সেনা সাগৰ সিংহক (গ্ৰেপ্তাৰ কৰা তৃতীয়জন লোক) গঁড় হত্যাত তেওঁলোকক সহায় কৰাৰ বাবে ‘ভাড়া’ কৰিছিল।
চোৰাং চিকাৰী দুজনে লগতে আৰক্ষীক কয় যে সিংহ এজন শ্বাৰ্প শ্বুটাৰ আৰু তেওঁ অৰুণাচল প্ৰদেশৰ পৰা আহি তেওঁলোকৰ লগ লাগিছিল।
চোৰাং চিকাৰী চমছেৰ আলী আৰু মোৰাজ আলীয়ে সিংহক অস্ত্ৰ শস্ত্ৰ যোগান ধৰিছিল আৰু ‘’স্থানীয় পথ নিৰ্দেশক’’ হিচাপে তেওঁক সংগ দিছিল। চোৰাং চিকাৰী দুজন শোণিতপুৰ জিলাৰ ঢেকিয়াজুলিৰ বুলি জানিব পৰা গৈছে।
‘’দুয়োজন চোৰাং চিকাৰীজনে উদ্যানখনৰ সকলো চিনি পায়। তেওঁলোকে চোৰাংভাৱে চিকাৰৰ বাবে শিলবৰী অঞ্চলৰ মাজেৰে ওৰাং ৰাষ্ট্ৰীয় উদ্যানত প্ৰৱেশ কৰিবলৈ ধৰাৰ সময়তে তেওঁলোকক গ্ৰেপ্তাৰ কৰা হয়,’’-আৰক্ষী বিষয়াজনে প্ৰকাশ কৰে।
তেওঁলোকৰ জিম্মাৰ পৰা এটা .৩০৩ ৰাইফল, এটা ছাইলেন্সাৰ, এখন ডাঙৰ তৰোৱাল আৰু ১১ ৰাউণ্ড গুলী জব্দ কৰে।
