বন্ধুৰ এটা পোহনীয়া ভাটৌ চৰাই নৃশংসভাৱে হত্যা কৰাৰ অপৰাধত ব্ৰিটেইনৰ দুগৰাকী মহিলাক কাৰাদণ্ডৰ শাস্তি প্ৰদান কৰা হৈছে।
মহিলা দুগৰাকী হৈছে কাৰ্লাইলৰ বাসিন্দা নিকোলা ব্ৰেডলি (৩৫) আৰু ট্ৰেচি ডিক্সন (৪৭)। দুয়োকে জেললৈ প্ৰেৰণ কৰা হয়। মদ্যপান কৰি নিচাগ্ৰস্ত অৱস্থাত আফ্ৰিকান গ্ৰে প্ৰজাতিৰ ভাটৌ চৰাইটোক হত্যা কৰা বুলি কোৱা হৈছে।
লগতে পঢ়ক: চন্দ্ৰৰ মাটিত ভূমিকম্প! এক ‘প্ৰাকৃতিক’ পৰিঘটনা ৰেকৰ্ড কৰিলে চন্দ্ৰযান-৩ৰ লেণ্ডাৰে
আদালতৰ ৰায় অনুসৰি চৰাইটোক হত্যা কৰাৰ পূৰ্বে ক্লিনিং স্প্ৰে’ দিয়া হৈছিল। পিছত চৰাইটোৰ ডিঙি ছিঙি পেলোৱা হয়।
ন্যায়াধীশগৰাকীৰ মতে, মহিলা দুগৰাকীৰ নিষ্ঠুৰতা সীমাৰ বাহিৰত আছিল। তেওঁলোক দুয়োকে ২৫ মাহৰ কাৰাদণ্ড বিহা হয়।
অভিযুক্তই প্ৰথমে তেওঁলোকৰ অপৰাধ অস্বীকাৰ কৰিছিল। তেওঁলোকক অনিৰ্দিষ্টকাললৈ জীৱ-জন্তু পোহাত নিষেধাজ্ঞা আৰোপ কৰা হৈছে।
লগতে পঢ়ক: সেনাৰ তিনি প্ৰাক্তন প্ৰধানৰ টাইৱান ভ্ৰমণৰ পিছত নিৰাপত্তা সহযোগিতা সন্দৰ্ভত ভাৰতক সকীয়ালে চীনে
ভাটৌটোৰ মালিক পল ক্ৰুকছে আদালতত কয় যে এই কাণ্ডৰ পিছত তেওঁ যথেষ্ট উদ্বিগ্ন হৈ পৰিছে। তেওঁ পেনিক এটেক আৰু টোপনিৰ সমস্যাত ভুগিছে।
