অনলাইন শ্বপিংযোগে কোনে এক সামগ্ৰী অৰ্ডাৰ দি ভুলক্ৰমে আন এটা সামগ্ৰী লাভ কৰাটো নতুন কথা নহয়।
ই প্ৰায়ে এটা তিক্ত অভিজ্ঞতা।
কিন্তু অনলাইন অৰ্ডাৰ কৰি ভুল সামগ্ৰী পাই হাঁহি বিৰিঙি উঠিল এগৰাকী ক্ৰেতাৰ।
তেওঁ অৰ্ডাৰ কৰিছিল কেইটামান আপেল।
কিন্তু হাতলৈ আহিল এটা দামী আইফোন ((iphone)।
ইয়াকেই হয়তো ভাগ্য বুলি ক’ব পাৰি!
নিক জেমছে (৫০) নামৰ ব্ৰিটেইন নিবাসী এজন লোকে টেস্ক’ (Tesco) নামৰ এটা অনলাইন শ্বপিং ছাইটত কেইটামান আপেল অৰ্ডাৰ কৰিছিল।
A big thanks this week to @Tesco & @tescomobile. On Wednesday evening we went to pick up our click and collect order and had a little surprise in there – an Apple iPhone SE. Apparently we ordered apples and randomly got an apple iphone! Made my sons week! 😁 #tesco #substitute pic.twitter.com/Mo8rZoAUwD
— Nick James (@TreedomTW1) April 10, 2021
স্থানীয় এখন ষ্ট’ৰৰ পৰাই তেওঁলৈ সেই আপেলকেইটা শ্বপিং ছাইটটোৱে আনি দিয়ে।
তেওঁ যে ডেলিভাৰী বাকচটোত লিখা আছে যে টোপোলাৰ ভিতৰত এটা ছাৰপ্ৰাইজ লুকাই আছে।
কৌতূহলী হৈ পৰে লোকজন।
কেইটামান সামান্য আপেল অৰ্ডাৰ দিওঁতেই যদি এটা ছাৰপ্ৰাইজ লাভ কৰে, মন ভাল লগাটো স্বাভআৱিক।
কিন্তু সিমানো ডাঙৰ ছাৰপ্ৰাইজ আশা কৰা নাছিল তেওঁ।
কিন্তু টোপোলাটো খুলি তেওঁ আনন্দত নাচি উঠে।
টোপোলাটোৰ পৰা উলিয়াই আনিলে এটা ব্ৰেণ্ড নিউ আইফোন এছ ই (iPhone SE)।
টুইটাৰত তেওঁ লিখে যে আপেল অৰ্ডাৰ কৰি তেওঁ আইফোন লাভ কৰাৰ ফলত তেওঁৰ পুত্ৰৰ আনন্দৰ সীমা নোহোৱা হৈছে।
আইফোনৰ বাকচটোৰ ফটোও তেওঁ টুইটটোত প’ষ্ট কৰিছে।
তদুপৰি আইফোনৰ লগতে তেওঁ অৰ্ডাৰ কৰা আপেলকেইটাও লাভ কৰিছে।
অৰ্থাৎ তেওঁলৈ যে ভুলবসতঃ আইফোন অৰ্ডাৰ দিয়া গৈছে, সেয়া নহয়।
জানিব পৰা মতে, টেস্ক’ মোবাইলৰ যোগেৰে এটা প্ৰোমোচন কেম্পেইন চলিছিল।
এই পৰ্যন্ত এনেদৰে ৮০টা ‘ছাৰপ্ৰাইজ’ ক্ৰেতাসকলে লাভ কৰিছে।
