বিভিন্ন দেশৰ পৰা ব্ৰিটিছ নাগৰিকসকলক খালী কৰাবলৈ লণ্ডনে বিশ্বজুৰি বিমানসেৱাৰ পেকেজ ঘোষণা কৰাৰ পাছত নতুন দিল্লীত থকা য়ুনাইটেড কিংডম মিছনে মঙলবাৰে কৰ’নাভাইৰাছৰ লকডাউনৰ মাজতে ভাৰতত আৱদ্ধ হৈ থকা ইয়াৰ নাগৰিকসকলক তেওঁলোকৰ বিতং তথ্য প্ৰেৰণ কৰিবলৈ আহ্বান জনাইছে।
টুইটাৰত এটা ভিডিঅ’ মেচেজত ভাৰতত থকা ব্ৰিটেইনৰ ভাৰপ্ৰাপ্ত উচ্চায়ুক্ত জন থম্পছনে ব্ৰিটিছ নাগৰিকসকলক প্ৰস্থানৰ বাবে তেওঁলোকৰ পাছপ’ৰ্ট আৰু ভ্ৰমণৰ নথিপত্ৰ লৈ সাজু হোৱাটো নিশ্চিত কৰিবলৈ আহ্বান জনাইছে।
তেওঁ কয় যে ভাৰতৰ পৰা প্ৰস্থান কৰিবলগীয়া বিমানৰ সময় আৰু স্থানৰ বিষয়ে আগন্তুক দিনত ঘোষণা কৰা হ’ব।
‘’ব্ৰিটেইন চৰকাৰে কৰ’নাভাইৰাছৰ ফলত বিভিন্ন স্থানত অভূতপূৰ্ব আন্তৰ্জাতিক ভ্ৰমণ তথা দেশীয় নিষেধাজ্ঞাৰ বাবে আৱদ্ধ হৈ থকা ব্ৰিটিছ নাগৰিকসকলক প্ৰত্যাৱৰ্তন কৰাবলৈ ব্ৰিটেইন চৰকাৰ আৰু বিমান সংস্থাসমূহৰ মাজত এক বিশ্বজোৰা চুক্তিৰ কথা ঘোষণা কৰিছে,’’-তেওঁ কয়।
‘’আপুনি যদি ব্ৰিটেইনলৈ ঘুৰি চাব বিচাৰিছে আৰু ইতিমধ্যে আমাৰ লগত যোগাযোগ কৰা নাই তেতিয়াহ’লে [email protected] এই ই-মেইলৰ যোগেদি আমাৰ সৈতে যোগাযোগ কৰক,’’-তেওঁ লগতে কয়।
প্ৰধান মন্ত্ৰী নৰেন্দ্ৰ মোদীয়ে কৰ’নাভাইৰাছ সংক্ৰমণ প্ৰতিৰোধৰ বাবে যোৱা ২৪ মাৰ্চত ২১ দিনৰ বাবে ৰাষ্ট্ৰজোৰা লকডাউন বলবৎ কৰিছিল।
তদুপৰি, অহা ১৪ এপ্ৰিললৈকে আন্তৰ্জাতিক সকলো যাত্ৰীবাহী বিমানসেৱাও নিষিদ্ধ কৰিছিল।
