প্ৰেম বিবাহৰ বিষম পৰিণতিৰে সাংঘাটিক কাণ্ড কৰিলে ইউ পিৰ পুৰুষে

উত্তৰ প্ৰদেশৰ এজন পুৰুষে “প্ৰেম বিবাহ”ৰ বিষম পৰিণতিৰে এক ভয়ানক কাণ্ড সংঘটিত কৰাৰ বাতৰি ওলাইছে।

মানুহজনৰ দাবী হৈছে তেওঁ প্ৰেম বিবাহ কৰা পত্নীক মাকৰ ঘৰলৈ ঘূৰাই পঠাব লাগে।

“অতীষ্ঠ” লোকজনে এই দাবীৰে ৰাজ্যখনৰ মাউ জিলাৰ ৰতনপুৰা ৰে’ল ষ্টেচনত ৰে’লৰ চিৰি সম্পূৰ্ণৰূপে কাটি দিছে।

ৰে’লৰ চিৰি কাটি দিয়াৰ উপৰি তেওঁ পত্নীৰ পৰিয়ালক ৫০ কোটি টকা দিবলৈয়ো দাবী জনাইছে।

দুদিনৰ ভিতৰত তেওঁৰ দাবী পূৰণ নহ’লে তেওঁ গুৰুতৰ ধ্বংসলীলা কৰাৰ সকীয়নি দিছে।

গোটেই ষ্টেচনটোত লোকজনে নিজৰ দাবী লিখা বহুবিলাক পত্ৰ পেলাই থৈ গৈছে।

আৰক্ষী অধীক্ষক অনুৰাগ আৰ্য্যৰ নেতৃত্বত এটা দলে ঘটনাটোৰ তদন্ত কৰি আছে।