টীয়কৰ ঐতিহাসিক মইনাপৰীয়া নামঘৰত পৰিচালনা সমিতিৰ উদ্যোগত নামঘৰৰ প্ৰাংগণত থকা কাৰ্যালয়ত এখনি সংবাদমেল আয়োজন কৰা হয়। আগন্তুক পবিত্ৰ ভাদ মাহ উপলক্ষে অনুষ্ঠিত হ’ব লগীয়া মাহজোৰা কায্যসূচী সন্দৰ্ভত এই সংবাদমেলত নামঘৰ পৰিচালনা সমিতিৰ সভাপতি সম্পাদকে আভাস দিয়ে।
ইপিনে চৰকাৰে নিষিদ্ধ ঘোষণা কৰা পলিথিন নামঘৰ প্ৰাংগণত ব্যৱহাৰ নকৰিবলৈ ভক্তপ্ৰাণ ৰাইজক আহ্বান কৰাৰ লগতে অসমৰ ঐতিহ্য “হাঁচতি” ব্যৱহাৰৰ পোষকতা কৰে পৰিচালনা সমিতিয়ে।
উল্লেখযোগ্য যে নামঘৰলৈ আহোঁতে অসমীয়াৰ জাতীয় সাজ পৰিধান কৰি আহিবলৈ সকলোকে আহ্বান জনাইছে অন্যথা নামঘৰৰ ভিতৰ ভাগলৈ সোমোৱাত যে বাধাৰ সন্মুখীন হ’ব তাক স্পষ্ট ভাষাৰে ঘোষণা কৰিছে নামঘৰ পৰিচালনা সমিতিয়ে।লগতে ভাদমহীয়া প্ৰতিটো কাৰ্যসূচীত সমূহ টীয়কৰসমবাসীৰে উপস্থিতি আৰু সহযোগিতা কামনা কৰিছে উদ্যোক্তাসকলে।
