Asha Parekh to be honoured with Dadasaheb Phalke Award বলীউদৰ বৰ্ষীয়ান অভিনেত্ৰী আশা পাৰেখক প্ৰদান কৰা হ’ব দাদাচাহেব ফালকে বঁটা। ভাৰতীয় চলচ্চিত্ৰ উদ্যোগলৈ তেওঁৰ অসামান্য অৱদানৰ বাবে এই সৰ্বোচ্চ সন্মান লাভ কৰিব। শেষবাৰৰ বাবে ২০১৯ চনত এই বঁটা লাভ কৰিছিল।
যোৱা দুবছৰত কৰোনাৰ বাবে এই বঁটা ঘোষণা কৰা হোৱা নাছিল। কেন্দ্ৰীয় মন্ত্ৰী অনুৰাগ ঠাকুৰে এই কথা জানিবলৈ দি কয়, “আশা পাৰেখে এই বছৰ দাদাচাহেব ফালকে বঁটা লাভ কৰিব।‘’
‘আসমান’ বোলছবিৰ জৰিয়তে বলীউডত আত্মপ্ৰকাশ কৰিছিল আশা পাৰেখে। তেওঁৰ জনপ্ৰিয় চলচ্চিত্ৰসমূহৰ ভিতৰত আছে ‘দো বদন’, ‘উপকাৰ’, ‘কাৰাভান’, ‘দিল দেকে দেখো’, ‘জব প্যাৰ কিচি চে হোতা হে’, ‘ফিৰ ৱোহি দিল লয়া হু’, ‘তিচৰি মঞ্জিল’, ‘বাহাৰো কে স্বপনে’, ‘প্যাৰ কা মৌচম’।
আশা পাৰেখে পাঞ্জাৱী চলচ্চিত্ৰত ধৰ্মেন্দ্ৰ আৰু দাৰা সিঙৰ বিপৰীতেও অভিনয় কৰিছে।
আশা পাৰেখে ১৯৫০ চনৰ পৰা ১৯৭৩ চনলৈ হিন্দী চলচ্চিত্ৰত কাম কৰিছিল। ১৯৯২ চনত তেওঁক পদ্মশ্ৰী বঁটা প্ৰদান কৰা হয়।
আশা পাৰেখক শেষবাৰৰ বাবে ১৯৯৯ চনত ‘চাৰ আখোঁ পৰ’ত দেখা গৈছিল।
