দেশৰ প্ৰসিদ্ধ অধিবক্তা ৰাম জেঠমালানীৰ ৯৫ বছৰ বয়সত দেহাৱসান

দেশৰ গণ্য-মান্য অধিবক্তাসকলৰ মাজৰ এজন প্ৰসিদ্ধ অধিবক্তা তথা প্ৰাক্তন কেন্দ্ৰীয় মন্ত্ৰী ৰাম জেঠমালানীৰ আজি অৰ্থাৎ দেওবাৰে পুৱা ৯৫ বছৰ বয়সত দেহাৱসান ঘটে। দিল্লীস্থিত নিজৰ বাসভৱনতে প্ৰসিদ্ধ অধিবক্তাগৰাকীৰ দেহাৱসান ঘটে।

প্ৰসিদ্ধ অধিবক্তাগৰাকী কিছুদিন ধৰি অসুস্থ হৈ আছিল আৰু তেওঁৰ চিকিৎসা চলি আছিল। ১৯২৩ চনৰ ১৪ ছেপ্টেম্বৰত জন্ম গ্ৰহণ কৰা প্ৰসিদ্ধ অধিবক্তাগৰাকী বিজেপি আৰু জেডিৰ সাংসদো আছিল।

প্ৰসিদ্ধ অধিবক্তগৰাকীৰ মৃত্যুত কেন্দ্ৰীয় গৃহমন্ত্ৰী অমিত শ্বাহে অধিবক্তাগৰাকীৰ বাসগৃহত গৈ শ্ৰদ্ধাঞ্জলি জনায়। প্ৰসিদ্ধ অধিবক্তা গৰাকীৰ পুত্ৰ মহেশ জেঠমালানীয়ে দেউতাকৰ মৃত্যুত দুখ প্ৰকাশ কৰি কয় যে ১৪ ছেপ্টেম্বৰত তেওঁৰ পিতৃৰ ৯৬ সংখ্যক ওপজা দিন আছিল।

প্ৰসিদ্ধ অধিবক্তা ৰাম জেঠমালানীৰ মৃত্যুত দেশৰ প্ৰধান মন্ত্ৰী নৰেন্দ্ৰ মোদী আৰু ৰাষ্ট্ৰপতি ৰামনাথ কোবিন্দেও শোক প্ৰকাশ কৰে।

তাৰোপৰি উপ-ৰাষ্ট্ৰপতি এম ভেংকায়া নাইডুৱেও অধিবক্তগাকীৰ মৃত্যুত শোক প্ৰকাশ কৰি কয় যে দেশে এজন বিশিষ্ট বুদ্ধিজীৱী আৰু দেশভক্তক হেৰুৱালে।