ত্ৰিপুৰাৰ নতুন আৰক্ষী সঞ্চালক প্ৰধান হিচাপে নিযুক্তি দিয়া হৈছে আই পি এছ বিষয়া ভি এছ যাদৱক।
ভি এছ যাদৱ ১৯৮৭ চনৰ ত্ৰিপুৰা কেডাৰৰ আই পি এছ বিষয়া।
বৰ্তমান সয়মত ভি এছ যাদৱে ত্ৰিপুৰাৰ অ বি চি কল্যাণ পৰিষদৰ মুখ্য সচিৱ হিচাপে দায়িত্বভাৰ পালন কৰি আছে।
উল্লেখযোগ্য যে, চলিত বৰ্ষৰ ৩১ জানুৱাৰিত অখিল কুমাৰ শুক্লাই ডিজিপি পদৰ পৰা অৱসৰ গ্ৰহণ কৰাৰ পাছত ত্ৰিপুৰাত বৰ্তমানলৈ কোনো পূৰ্ণকালীন ডিজিপিক নিযুক্তি দিয়া হোৱা নাছিল।
ত্ৰিপুৰা আৰক্ষীৰ অতিৰিক্ত সঞ্চালক (আইন-শৃংখলা) ৰাজীৱ সিঙে বৰ্তমান ত্ৰিপুৰা আৰক্ষীৰ ভাৰপ্ৰাপ্ত সঞ্চালক প্ৰধান হিচাপে কাৰ্য্যনিৰ্বাহ কৰি আছিল।
জানিব পৰা মতে, ইণ্টালিজেনচ ব্যুৰোৰ অতিৰিক্ত সঞ্চালক হিচাপে কৰ্মৰত আই পি এছ বিষয়া অমিতাভ ৰঞ্জন ত্ৰিপুৰা চৰকাৰৰ প্ৰথম পচন্দৰ আৰক্ষী সঞ্চালক প্ৰধান আছিল যদিও কেন্দ্ৰ চৰকাৰে অমিতাভ ৰঞ্জনক বৰ্তমানৰ দায়িত্বৰ পৰা অব্যাহতি দিবলৈ ইচ্ছ নকৰা বাবে ভি এছ যাদৱক নতুন ডিজিপি হিচাপে নিযুক্তি দিয়া হয়।
