মেঘালয় আৰক্ষীয়ে অসমৰ যুৱতী নম্ৰতা বৰাৰ ৰহস্যজনক মৃত্যুৰ তদন্ত বৰ্তমানেও কৰি আছে। ইতিমধ্যে নম্ৰতা বৰাৰ ৰহস্যজনক মৃত্যুক বহু চাঞ্চল্যকৰ তথ্য লাভ কৰিছে মেঘালয় আৰক্ষীয়ে।
মেঘালয়ত নম্ৰতাৰ ৰহস্যজনক মৃত্যুক লৈ কেইবাটাও প্ৰশ্নৰ উত্থাপন হৈছে। নম্ৰতাৰ পিতৃয়ে কন্যাক মৰিয়াই মৰিয়াই হত্যাৰ অভিযোগ উত্থাপন কৰিছিল। তাৰ বিপৰীতে বহু কথা সন্দেহৰ আৱৰ্তত ৰৈ গৈছে।
ইতিমধ্যে নম্ৰতাৰ মৰণোত্তৰ পৰীক্ষাৰ প্ৰতিবেদন লাভ কৰিছে মেঘালয় আৰক্ষীয়ে। বহু সংবাদ মাধ্যমৰ তথ্য অনুসৰি নম্ৰতাক বটলৰে মৰিয়াই মৰিয়াই হত্যা কৰা হৈছিল।
উল্লেখ্য যে, নম্ৰতা বৰাৰ মুখমণ্ডলৰ আঘাতক লৈ এতিয়াও ৰহস্য আঁতৰা নাই। মৃত নম্ৰতাৰ মূৰকে ধৰি শৰীৰৰ বহু ঠাইত উদ্ধাৰ হৈছিল গ্লাছৰ টুকুৰা।
যোৱা ৪ জুনৰ পুৱা নংপোত ৰহস্যজনক অৱস্থাত মৃত্যু হৈছিল নম্ৰতাৰ। ইতিমধ্যে দুবাৰকৈ আৰক্ষীৰ জেৰাৰ সন্মুখীন হৈছিল ৪ অভিযুক্ত। জানিব পৰা মতে, মেঘালয় আৰক্ষীয়ে আন্নায়াতুল, গায়ত্ৰী, মৃগাংক, প্ৰজ্ঞাক পুনৰ জেৰা চলাব।
উল্লেখ্য যে দুৰ্ঘটনাটোত নম্ৰতাৰ মৃত্যু হোৱাৰ বিপৰীতে কোনোধৰণৰ আঘাত পোৱা নাছিল নম্ৰতাৰ ৪ গৰাকী বন্ধুৱে। আনফালে ৪ বন্ধুৱে দাবী কৰা অনুসৰি দুৰ্ঘটনাস্থলীত আৰক্ষীয়ে কোনো ধৰণৰ ট্ৰাকৰ তথ্য লাভ কৰা নাছিল।
