প্ৰিয়জনক প্ৰেম নিবেদন কৰাটো এটা আৱেগিক আৰু হৃদয়ৰ পৰা স্বতঃৰ্ফূতভাবে হোৱা এটা প্ৰক্ৰিয়া। জানো আহক কিদৰে আৰু কেতিয়া প্ৰেম প্ৰস্তাৱ আগবঢ়ালে সুফল পোৱা যাব।
প্ৰেম নিবেদন কৰাৰ আগতে নিজৰ মনৰ কথা ভালদৰে বুজি লওক। আপুনি তেওঁৰ প্ৰতি কিয় আকৰ্ষিত, তেওঁৰ কি কি গুণ আপোনাৰ ভাল লাগে, সেই বিষয়ে চিন্তা কৰক।
এটা শান্ত আৰু ব্যক্তিগত পৰিৱেশ বাছি লওক, য’ত দুয়ো আৰামদায়কভাৱে কথা পাতিব পাৰে। যেনে, কোনো শান্ত পাৰ্ক, কফি শ্বপ, বা তেওঁৰ প্ৰিয় ঠাই।
আপোনাৰ অনুভৱ সৎভাৱে প্ৰকাশ কৰক। বেছি জটিল কথা বা কৃত্ৰিমতাৰ প্ৰয়োজন নাই। উদাহৰণস্বৰূপে, আপুনি ক’ব পাৰে , “মই তোমাৰ লগত থকাৰ সময়খিনি সঁচাকৈয়ে উপভোগ কৰো। তুমি মোৰ বাবে বিশেষ, আৰু মই তোমাক ভাল পাওঁ।”
তেওঁৰ কোনো বিশেষ গুণ বা স্মৃতিৰ কথা উল্লেখ কৰক যিয়ে আপোনাক আকৰ্ষিত কৰিছে। ইয়াৰ ফলত তেওঁ বুজিব যে আপুনি তেওঁক সঁচাকৈয়ে মূল্য দিয়ে।
তেওঁ হয়তো তৎক্ষণাত উত্তৰ নিদিবও পাৰে বা তেওঁৰ অনুভৱ বেলেগো হ’ব পাৰে। তেওঁৰ সিদ্ধান্তক সন্মান কৰক আৰু তেওঁক চিন্তা কৰাৰ সময় দিয়ক।
যদি মুখেৰে ক’বলৈ লাজ বা সংকোচ লাগে, তেন্তে এখন চিঠি বা বাৰ্তা লিখি আপোনাৰ অনুভৱ প্ৰকাশ কৰিব পাৰে।
প্ৰেম নিবেদন কৰাটো সাহসৰ কাম। নিজৰ অনুভৱ প্ৰকাশ কৰাৰ বাবে গৌৰৱ অনুভৱ কৰক, ফলাফল যিয়েই নহওক কিয়।
