কংগ্ৰেছৰ জ্যেষ্ঠ নেতা জয়ৰাম ৰমেশে বিজেপি নেতৃত্বাধীন কেন্দ্ৰীয় চৰকাৰক লৈ প্ৰশ্ন উত্থাপন কৰিছে। এন বীৰেণ সিঙক সংঘাতপূৰ্ণ মণিপুৰৰ মুখ্যমন্ত্ৰী হিচাপে অব্যাহত ৰখাক লৈও প্ৰশ্ন কৰিছে নেতাগৰাকীয়ে।
ইয়াৰ উপৰিও চৰকাৰক আন চাৰিটা প্ৰশ্ন কৰিছে জয়ৰাম ৰমেশে। বাকী চাৰিটা প্ৰশ্ন হ’ল-
- প্ৰধানমন্ত্ৰীয়ে মণিপুৰৰ মুখ্যমন্ত্ৰী আৰু ৰাজ্যৰ নিৰ্বাচিত বিধায়কসকলৰ সৈতে কিয় সাক্ষাৎ কৰা নাই?
- লোকসভাত মণিপুৰক প্ৰতিনিধিত্ব কৰা কেন্দ্ৰীয় বিদেশ মন্ত্ৰীগৰাকীয়ে কিয় প্ৰধানমন্ত্ৰীক সাক্ষাৎ কৰিব পৰা নাই?
- সকলো বিষয়তে মতামত ৰখা প্ৰধানমন্ত্ৰীয়ে মণিপুৰৰ বিষয়ত ৰাজহুৱাভাৱে সৰ্বাধিক ৪-৫ মিনিটতকৈ অধিক সময় কথা কোৱাটো কিয় উপযুক্ত বুলি নাভাবিলে?
- দেশ বিদেশ ভ্ৰমণ কৰি ভাল পোৱা প্ৰধানমন্ত্ৰীগৰাকীয়ে মণিপুৰত কেইঘণ্টামানো কটোৱাতো কিয় উপযুক্ত বুলি নাভাবিলে?
‘সংকটক সম্পূৰ্ণৰূপে আওকাণ কৰি তেওঁ জবাবদিহিতা আৰু দায়িত্বৰ পৰা সাৰি যাব নোৱাৰে।’- লগতে জয়ৰাম ৰমেশে কয়।
