দুধনৈৰ বিভিন্ন অঞ্চলত অব্যাহত আছে বনৰীয়া হাতীৰ সন্ত্ৰাস ৷ যোৱা নিশা কুশধোৱা আৰু মেজেংপাৰাত ওৰে নিশা চলিল বন্যহস্তীৰ এটা জাকৰ উপদ্ৰৱ ৷
কুশধোৱাত থকা এখন চৰকাৰী গাহৰি ফাৰ্মত বনৰীয়া হাতীয়ে আক্ৰমণ চলাই ভাঙি তচনচ কৰে ফাৰ্মখন ৷
হাতীৰ জাকটোৱে ভাঙি লণ্ড-ভণ্ড কৰে ফাৰ্ম খনৰ পকী বেৰো। ফাৰ্মখনত থকা এটা গাহৰিও হাতীৰ আক্ৰমণত মৃত্যুমুখত পৰে ৷
হাতীৰ জাকটোৱে অকল কুশধোৱাতে নহয়, মেজেংপাৰাতো চলায় তাণ্ডৱলীলা ৷
গাঁৱখনত প্ৰৱেশ কৰিয়ে হাতীৰ জাকটোৱে ভাঙিলে তিনিটা পৰিয়ালৰ বাসগৃহ ৷খাই তহিলং কৰিলে ধান-চাউল ৷ বিনষ্ট কৰে বহু সা-সম্পত্তিও ৷
এনেদৰে এতিয়া প্ৰতিটো নিশাই দুধনৈৰ গ্ৰামাঞ্চলত চলি আছে বনৰীয়া হাতীৰ উপদ্ৰৱ৷
এইক্ষেত্ৰত বনৰীয়া হাতীৰ জাকক নিয়ন্ত্ৰণ কৰাত পূৰামাত্ৰাই ব্যৰ্থ হৈছে বনবিভাগৰ কৰ্মীসকল।
