বাংলাদেশৰ চিলেট জিলাত এখন মহাবিদ্যালয়ৰ হোষ্টেলত এগৰাকী মহিলাক বহুকেইজন যুৱকে মিলি দলবদ্ধ ধৰ্ষণ কৰে।
চিলেট জিলাৰ মুৰাৰী চান্দ কলেজৰ হোষ্টেলত মহিলাগৰাকীক দলবদ্ধ ধৰ্ষণ কৰে বুলি আৰক্ষী সূত্ৰত প্ৰকাশ পাইছে।
ক’ৰ’নাৰ সংক্ৰমণৰ পাছত নিজৰ স্বামীৰ সৈতে হোষ্টেল চাবলৈ যোৱাৰ সময়তে যুৱতী গৰাকী দলবদ্ধ ধৰ্ষণৰ বলি হয়।
বাংলাদেশৰ সংবাদ মাধ্যমত প্ৰকাশতি বাতৰি অনুসৰি শুকুৰবাৰে নিশা কেইজনমান যুৱকে মহিলা গৰাকীৰ স্বামীক বন্দী কৰি ৰাখে আৰু স্বামীৰ সন্মুখতে পত্নীক উপৰ্যুপৰি ধৰ্ষণ কৰে।
চিলেট মেট্ৰ’পলিটান আৰক্ষীৰ আৰক্ষী আয়ুক্ত জ্যোতিৰ্ময় সৰকাৰে জনোৱা মতে, আৰক্ষীয়ে ভূক্তভোগী মহিলা গৰাকীক আৰু তেওঁৰ স্বামীক উদ্ধাৰ কৰি চিকিৎসালয়লৈ প্ৰেৰণ কৰে।
আৰক্ষীয়ে বৰ্তমান সমগ্ৰ ঘটনাৰ সৈতে জড়িত দোষী সকলক কৰায়ত্ত কৰাৰ বাবে অভিযান অব্যাহত ৰাখিছে।
