সমগ্ৰ ৰাজ্যৰ লগত আজি কোকৰাঝাৰ জিলা আৰক্ষীৰ উদ্যোগত কোকৰাঝাৰ সদৰ থানাত বিশ্ব ড্ৰাগছ বিৰোধী দিৱস পালন কৰা হয় ।
জিলাখনৰ ভিডিপি কৰ্মীৰ লগতে বিভিন্ন বেচৰকাৰী সংস্থাক লৈ এখন সজাগতামূলক সভা আয়োজন কৰা হয়।
উক্ত অনুষ্ঠানত কোকৰাঝাৰ জিলাৰ অতিৰিক্ত আৰক্ষী অধীক্ষক সুৰজিত সিং পানেছাৰ, উপ- আৰক্ষী অধীক্ষক পুনম পেগু আৰু সদৰ আৰক্ষী থানাৰ ভাৰপ্ৰাপ্ত বিষয়া দীপক শইকীয়া উপস্থিত থাকি ভয়াৱহ ড্ৰাগছৰ বিৰুদ্ধে ৰাইজক সতৰ্ক আৰু সজাগ হৈ থাকি সমাজক বচাই ৰখাত সহযোগ কৰিবলৈ আহ্বান জনায় ।
কোকৰাঝাৰ জিলাত ড্ৰাগছ বিৰোধী অভিযান তীব্রতৰ হ’ব বুলিও প্ৰকাশ কৰে জিলাৰ অতিৰিক্ত আৰক্ষী অধীক্ষক সুৰজিত সিং পানেছাৰে।
