জনসাধৰণলৈ পানী যোগান ধৰা আৰু ঠাইখিনিক এটি পৰ্যটন স্থানৰ ৰূপ প্ৰদান কৰাৰ উদ্দেশ্যে মণিপুৰ চৰকাৰে ছৰবেই লকচাওত এটি বান্ধ নিৰ্মাণৰ আঁচনি হাতত লৈছে।
সোমবাৰে মণিপুৰৰ পূব ইম্ফল জিলাৰ মণিপুৰৰ বন আৰু পৰিৱেশ মন্ত্ৰী টি শ্যামকুমাৰ সিঙে এণ্ড্ৰো বিধানসভা সমষ্টিৰ অন্তৰ্গত কস্তুৰাবা গান্ধী বালিকা বিদ্যালয় আৰু অনুসূচিত জাতিৰ ছোৱালী হোষ্টেলৰ উদ্বোধনী অনুষ্ঠানত প্ৰদান কৰা ভাষণত এই কথা সদৰী কৰিছে।
তেওঁৰ ভাষণত মন্ত্ৰীজনে ঘোষণা কৰে যে উত্তৰ-পূব পৰিষদৰ পুঁজিৰে মানুহক পানী যোগান ধৰিবৰ বাবে ছৰবেই লকচাওত এটা বান্ধ নিৰ্মাণ কৰা হ’ব। বান্ধটোৱে পৰ্য্যটনৰ সম্ভাৱনাও মুকলি কৰিব বুলি তেওঁ জনায়। লগতে তেওঁ কয় যে কেন্দ্ৰীয় চৰকাৰে দিয়া ৩ কোটি টকাৰে পানম গাৰ্ডেনত এটা ফুলৰ খেতিৰ প্ৰকল্প লোৱা হৈছে আৰু কেন্দ্ৰৰে ৬ কোটি টকাৰে ছানথেই নেচাৰেল পাৰ্কত অন্যান্য কিছুমান দৰকাৰী প্ৰকল্প লোৱা হৈছে।
উল্লেখযোগ্য যে ৫ ফেব্ৰুৱাৰিৰ উদ্বোধনী অনুষ্ঠানটো ৰাজ্যখনত বিজেপি চৰকাৰৰ এবছৰ পূৰ হোৱা উপলক্ষে হাতত লোৱা ‘উদ্বোধনী পষেক’ (Inauguration Fortnight)ৰ অংশ আছিল। জানিব পৰামতে মণিপুৰত মুঠ ১১খন কস্তুৰবা গান্ধী বালিকা বিদ্যালয় আৰু ৯খন আৱাসিক বিদ্যালয় আছে। শিক্ষা, শ্ৰম আৰু নিয়োগ মন্ত্ৰী টি ৰাধেশ্যাম আৰু বন আৰু পৰিৱেশ মন্ত্ৰী টি শ্যামকুমাৰ সিঙৰ লগতে এই বিদ্যায়ল আৰু আৱাস উদ্বোধনী অনুষ্ঠানটোত আন আন বিষয়াসকলেও অংশ গ্ৰহণ কৰিছিল।
সূত্ৰটোৱে জনোৱা মতে, যিবোৰ বিদ্যালয়ত অষ্টম শ্ৰেণীলৈকে শ্ৰেণী আছে, সেইবোৰৰ নিৰ্মাণ পুঁজি সৰ্ব শিক্ষা অভিযানৰ অধীনত নিৰ্মাণ কৰা হৈছে, য’ত নেকি আৱাস বিলাক ভাৰত চৰকাৰৰ সংখ্যালঘু পৰিক্ৰমা মন্ত্ৰ্যালয়ৰ অধীনত নিৰ্মাণ কৰা হৈছে।
অনুষ্ঠানটোত ভাষণ দি শিক্ষা মন্ত্ৰী ৰাধেশ্যামে কয় যে তেওঁ অলপতে শিক্ষা বিষয়ক কেন্দ্ৰীয় উপদেষ্টা বৈঠকত কেন্দ্ৰীয় চৰকাৰক এই বুলি স্মাৰক পত্ৰ দিছে যে আৱাসিক হাইস্কুলবোৰ দ্বাদশ শ্ৰেণী পৰ্য্যন্ত বৃদ্ধি কৰিব লাগে। তেওঁ লগতে কয় যে এনড্ৰো সমষ্টিৰ চৰকাৰী বিদ্যালয়বোৰৰ সফলতাৰ পিছত ৰাজ্য চৰকাৰখনে গোটেই ৰাজ্যৰ চৰকাৰী বিদ্যালয়ৰ প্ৰতি বিশেষ মনোযোগ দিছে।
