অসম ৰাজ্যিক চিৰিয়াখানাত বুধবাৰে মিষ্টাৰ উইচ নামৰ নীলা আৰু সোনালী পাখিৰ মতা মেকাৱ চৰাইটোৰ জন্মদিন পালন কৰা হয়।
গুৱাহাটী চিৰিয়াখানাত এইটোৱেই একমাত্ৰ মেকাৱ। দক্ষিণ আমেৰিকাত উপলব্ধ এই চৰাইটো ২০০০ চনত গুৱাহাটীলৈ অনা হৈছিল। এতিয়া ই ২৫ বছৰত ভৰি দিলে।
চৰাইটোৰ জন্মদিন উপলক্ষে চিৰিয়াখানা কৰ্তৃপক্ষই বুধবাৰে এখন চৰাই বিষয়ক কৰ্মশালাৰ উপৰিও বিভিন্ন কাৰ্যসূচী অনুষ্ঠিত কৰে।
উল্লেখ্য যে, গুৱাহাটী চিৰিয়াখানাত থকা এই চৰাইটোৱে সুদীৰ্ঘ দিন ধৰি অকলশৰীয়া জীৱন অতিবাহিত কৰিছে। চিৰিয়াখানা কৰ্তৃপক্ষই চৰাইটোক এজনী মাইকী মেকাৱ জীৱনসংগী কৰি দিয়াৰ চেষ্টা অব্যাহত ৰাখিছে।
কৰ্তৃপক্ষই জনোৱামতে কোনো লোকে যদি তাৰ বাবে এজনী সংগী চিৰিয়াখানালৈ আগবঢ়াব বিচাৰে সেয়া মেকাৱটোৰ বাবে এক সুন্দৰ জন্মদিনৰ উপহাৰ হ’ব।
তদুপৰি কোনোবাই যদি চৰাইটোক তুলি ল’ব বিচাৰে চিৰিয়াখানা কৰ্তৃপক্ষৰ লগত যোগাযোগ কৰিবলৈ মিষ্টাৰ উইচৰ জন্মদিনত কৰ্তৃপক্ষই আহ্বান জনাইছে।
