ছিকিম ডেম’ক্ৰেটিক ফ্ৰন্ট (এছডিএফ)ৰ প্ৰতিষ্ঠা দিৱস ৪ মাৰ্চত উদযাপন কৰাৰ বাবে সকলো প্ৰস্তুতি সম্পূৰ্ণ হৈ উঠিছে।
শাসকীয় এছডিএফ দলটোৰ জ্যেষ্ঠ নেতাসকলে পূব ছিকিমৰ ৰাংপোৰ ওচৰৰ মাইনিং খেলপথাৰত যোৱা কেইদিন ধৰি বাহৰ পাতি প্ৰস্তুতিৰ কাম চোৱা চিতা কৰি আছে।
ৰাংপোৰ বিশাল খেল পথাৰত দেওবাৰে প্ৰতিষ্ঠা দিৱসৰ অনুষ্ঠান অনুষ্ঠিত হ’ব।
অহা বছৰ বিধানসভাৰ নিৰ্বাচন অনুষ্ঠিত হ’বলগীয়া ৰাজ্যখনত এছডিএফৰ প্ৰতিষ্ঠা দিৱসত দলৰ নিৰ্বাচনী কাৰ্যসূচীৰ প্ৰতিফলন ঘটিব বুলি আশা কৰা হৈছে।
ইয়াক ২০১৯ ৰ নিৰ্বাচনী যুদ্ধৰ প্ৰস্তুতি তথা ইয়াৰ ভৱিষ্যৎ পৰিকল্পনাৰ প্ৰকাশ ঘটিব বুলি অনুমান কৰা হৈছে।
এই বিশাল আয়োজনৰ চূড়ান্ত পৰ্যালোচনা বৈঠকত মন্ত্ৰী, বিধায়ক, দলীয় কাৰ্যকৰ্তাকে ধৰি কৰ্মীসকল ৰাংপোত সমবেত হৈছে।
ছিকিমৰ পৰ্যটন মন্ত্ৰী তথা উদযাপন সমিতিৰ সভাপতি ইউগেন টি গ্যাষ্টো ভূটিয়াই ব্যক্ত কৰিছে যে দেওবাৰৰ বিশাল অনুষ্ঠানৰ বাবে আয়োজকসকল সম্পূৰ্ণ সাজু হৈ পৰিছে।
সংবাদ মাধ্যমৰ সৈতে মত বিনিময় কৰি ভূটিয়াই কয় যে প্ৰায় ৮,৪০০খন গাড়ী কাৰ্যসূচীটোৰ বাবে বন্দোৱস্ত কৰা হৈছে। ‘’২,৫০০ তকৈয়ো অধিক ব্যক্তিগত বাহনো অনুষ্ঠানলৈ আহিব,’’-তেওঁ কয়।
সকলো অংশগ্ৰহণকৰীৰ মাজতে উক্ত দিনা স্মাৰক টি-ছাৰ্ট মুঠ ১০,০০০ টা বিতৰণ কৰা হ’ব।
চাৰিওখন জিলাৰ পৰা অহা যুৱসকলে ৪ মাৰ্চত আঠটা গুৰুত্বপূৰ্ণ প্ৰস্তাৱ দাখিল কৰিব।
কালিমপুঙৰ বিখ্যাত নাট্য দল ‘’ভান ৰা পালা’’ই অনুষ্ঠানত মুখ্যমন্ত্ৰী পৱন কুমাৰ চামলিঙৰ ভাষণৰ পিছতে প্ৰদৰ্শন আগবঢ়াব।
