গুৱাহাটীৰ আজাৰাস্থিত ৰাজ্যৰ অগ্রণী কাৰিকৰী শিক্ষানুষ্ঠান’গিৰিজানন্দ চৌধুৰী প্রাদ্যোগিক আৰু ব্যৱস্থাপনা প্রতিষ্ঠান, গুৱাহাটী ‘ আৰু ‘অসম বিজ্ঞান আৰু প্রযুক্তিবিদ্যা বিশ্ববিদ্যালয়ে’যুটীয়াভাৱে অহা ১৮ আৰু ১৯ জানুৱাৰী তাৰিখে ‘সামন্ত্রণা ‘ শীৰ্ষক এখন দুদিনীয়া ৰাষ্ট্রীয় পৰ্য্যায়ৰ আলোচনা চক্র আয়োজন কৰিছে।
ৰাষ্ট্রৰ অগ্রণী শিক্ষানুষ্ঠান সমূহৰ গৱেষক আৰু শিক্ষাবিদে অংশগ্রহণ কৰিব লগীয়া আলোচনা চক্রৰ মূল উদ্দেশ্য’শৈক্ষিক আৰু সামাজিক ক্ষেত্রৰ উত্তৰণ আৰু মানৱ সম্পদ বিকাশত গৱেষণাৰ ভূমিকা’।
‘গিৰিজানন্দ চৌধুৰী প্রাদ্যোগিক আৰু ব্যৱস্থাপনা প্রতিষ্ঠান,গুৱাহাটী’ৰ চৌহদত অনু্ষ্ঠিত হ’ব লগা আলোচনা চক্রখনিয়ে ৰাজ্যৰ তথা উত্তৰ-পূৰ্বাঞ্চলৰ উন্নতিৰ বাবে মানৱ সম্পদ বিকাশত উল্লেখনীয় ভূমিকা ল’ব বুলি আশা কৰা হৈছে ।
ইচ্ছুক শিক্ষক তথা গৱেষক সকলে ৭০৮৬৫৬৭০৫১, ৯৮৬৪৫০৪৪৩১ বা ৮৬৩৮০৪৮৬৬৯ নম্বৰত যোগাযোগ কৰিব পাৰে বুলি আয়োজক সকলে জানিবলৈ দিছে।
ইয়াৰোপৰি ৱেবছাইট লিংক – http://www.gimt-guwahati.ac.in/samntrana/index.html ত গৈয়ো আলোচনা চক্ৰখনৰ বিতং তথ্য লাভ কৰিব পাৰে।
