নাগালেণ্ডৰ বিৰোধী দল এন পি এফে সোমবাৰে ইয়াৰ সংবাদ কোষৰ বিষয়ববীয়াৰ সালসলনি কৰিছে।
দলৰ সভাপতি ডঃ চুৰহ’জেলি লিজিতছুৱে এই সন্দৰ্ভত এক জাননী জাৰি কৰিছে।
দলটোৰ বৰ্তমানৰ প্ৰে’ছ সচিব চেবাষ্টিয়ান জুমুক সাধাৰণ সম্পাদকৰ পদমৰ্য্যাদাৰে দলৰ সভাপতিৰ সংবাদ উপদেষ্টাৰূপে নিযুক্তি দিয়া হৈছে। আনহাতে বৰ্তমানৰ সহযোগী সংবাদ সচিব আত’উ লিজিতচুক দলৰ প্ৰে’ছ সচিব ৰূপে নিযুক্তি দিয়া হৈছে।
সহযোগী প্ৰে’ছ সচিবৰূপে এই বছৰৰ আগভাগতে চাপ্ৰালু নিখাক নিযুক্তি দিয়া হৈছিল। আনহাতে প্ৰাক্তন সহযোগী প্ৰে’ছ সচিব ফুচিকা আৱমিক দলৰ সচিব হিচাপে নিযুক্তি দিয়া হৈছিল। আৱমি নাগা ষ্ট্যুদেণ্টছ ফেডাৰে’চনৰ প্ৰাক্তন সভাপতি।
জুম্ভু এতিয়া নোহোৱা হোৱা ৰাজ্যৰ The Northeast Herald কাকতৰ প্ৰতিষ্ঠাপক প্ৰকাশক। ১৯৯৮ৰ পৰা ২০০৩ চনলৈ তেওঁ নাগালেণ্ডৰ মুখ্য মন্ত্ৰীৰ প্ৰে’ছ উপদেষ্টা থকাৰ লগতে ২০০৪ৰ পৰা ২০১০ চনলৈ তেওঁ গোৱা, মহাৰাষ্ট্ৰ আৰু গুজৰাটৰ ৰাজ্যপালৰ অ’ এচ ডি আছিল।
জুম্ভুৱে ২০১৩ চনত এন পি এফত যোগ দিছিল আৰু বহু পদবী দখল কৰি আছিল। তেওঁ প্ৰাক্তন মুখ্য মন্ত্ৰী জেলিয়াং আৰু ডঃ লিজিতছুৰো প্ৰে’ছ উপদেষ্টা আছিল।
আত’উ স্থানীয় ইংৰাজী কাকত এখনৰ প্ৰাক্তন সাংবাদিক হোৱাৰ বিপৰীতে নিখা ইংৰাজী সাহিত্যৰ স্নাতকোত্তৰ আৰু জন সংযোগৰ ডিপ্লমাধাৰী।
