সদ্য ঘোষিত হাইস্কুল শিক্ষান্ত পৰীক্ষাৰ ফলাফলত নগাঁও জিলাৰ বঢ়মপুৰৰ জ্ঞানদ্বীপ জাতীয় বিদ্যালয়ে ১০০ শতাংশ সফলতা অৰ্জন কৰিবলৈ সক্ষম হয়।
উল্লেখযোগ্য যে বঢ়মপুৰৰ জ্ঞানদ্বীপ জাতীয় বিদ্যালয়ৰ প্ৰথম বৰ্ষৰ ছাত্ৰ-ছাত্ৰীয়ে অৱতীৰ্ণ হৈ ১০০ শতাংশ উত্তীৰ্ণৰে সুন্দৰ সফলতা অৰ্জন কৰিবলৈ সক্ষম হয়।
২০১৬ চনত প্ৰতিষ্ঠা লাভ কৰা বিদ্যালয়খনে প্ৰথম পদক্ষেপতে নিকটৱৰ্তী ২ খন চৰকাৰী বিদ্যালয় আৰু ১ খন ব্যক্তিগত বিদ্যালয়ক প্ৰত্যাহ্বান জনাবলৈ সক্ষম হয়। জ্ঞানদ্বীপ শৈক্ষিক আৰু আৰ্থ-সামাজিক ন্যাসৰ দ্বাৰা পৰিচালিত বিদ্যালয়খনৰ সফলতাত সমূহ বঢ়মপুৰবাসী ৰাইজে আনন্দ প্ৰকাশ কৰিছে।
মন কৰিব লগীয়া যে ২০১৬ চনৰ বিদ্যালয় প্ৰতিষ্ঠাকালতে নৱম শ্ৰেণীলৈকে ছাত্ৰ-ছাত্ৰীৰ নামভৰ্তি কৰা হৈছিল। ফলত এইবাৰ বিদ্যালয়খনৰ পৰা ছাত্ৰ-ছাত্ৰীয়ে হাইস্কুল শিক্ষান্ত পৰীক্ষাত অৱতীৰ্ণ হৈছিল।
