অসমৰ মুখ্য মন্ত্ৰী সৰ্বানন্দ সোনোৱাল পোন প্ৰথমবাৰৰ বাবে যাত্ৰা কৰিব বিদেশলৈ। মুখ্য মন্ত্ৰী হিচাপে দায়িত্ব গ্ৰহণ কৰাৰ পিছত প্ৰথম বিদেশ ভ্ৰমণ হিচাপে ৬ জানুৱাৰি তাৰিখে ছিংগাপুৰলৈ ৰাওনা হ’ব। ছিংগাপুৰত উপস্থিত হৈ মুখ্য মন্ত্ৰীজনে ৭ জানুৱাৰী তাৰিখে অংশ ল’ব গ্ল’বেল ইনভেষ্টৰ ছামিট ৰোড শ্ব’ত।
উল্লেখ্য যে মুখ্য মন্ত্ৰী সোণোৱালে আজি ৰাতিপুৱা ১১ বজাত কৃষি-উদ্যান শস্য প্ৰদৰ্শনী মেলাৰ চতুৰ্থ সংস্কৰণ অনুষ্ঠানৰ শুভাৰম্ভ কৰিব। এই কাৰ্যসূচী সমাপন কৰিয়েই মুখ্য মন্ত্ৰীয়ে পোনে পোনে দিল্লীলৈ ৰাওনা হ’ব আৰু দিল্লীৰ পৰাই ৬ জানুৱাৰি তাৰিখে ছিংগাপুৰলৈ যাব।
উল্লেখযোগ্য যে অসম চৰকাৰে অহা ফেব্ৰুৱাৰিৰ ৩ আৰু ৪ তাৰিখে দুদিনীয়াকৈ দেশী-বিদেশী বিনিয়োগকাৰীক লৈ এডভাণ্টেইজ আছাম শীৰ্ষক Assam Global Investors’ Summit অনুষ্ঠিত কৰিবলৈ ওলাইছে। উক্ত অনুষ্ঠানলৈ যিমান পাৰি অধিক বিদেশী বিনিয়োগকাৰীক আকৰ্ষণ কৰাৰ লক্ষ্যৰে ৰাজ্যখনৰ মন্ত্ৰী-আমোলা ব্যস্ত আছে অসমক ব্যৱসায় তথা উদ্যোগ স্থাপনৰ সুবিধাজনক ক্ষেত্ৰ হিচাপে দাঙি ধৰাৰ চেষ্টাত। এই প্ৰচেষ্টাৰ অংশস্বৰূপেই ৰাজ্যখনৰ মুখ্য মন্ত্ৰী সৰ্বানন্দ সোণোৱাল ছিংগাপুৰ ভ্ৰমণলৈ ৰাওনা হ’ব।
