শুকুৰবাৰে আবেলি অসম বিশ্ববিদ্যালয়ত এটা লণ্ডভণ্ড কাণ্ড সংঘটিত হয়। বিশ্ববিদ্যালয়খনত ড০ সুদীপ্ত সৰকাৰে ছাত্ৰীক যৌন নিৰ্যাতন চলোৱাৰ ঘটনাত ক্ষুন্ন হৈ উঠা প্ৰায় ১০০ ছাত্ৰৰ এটা দলে উপাচাৰযগৰাকীৰ কোঠাত প্ৰৱেশ কৰে আৰু তেওঁৰ চকীখন স্থানচ্যুত কৰে।
অসমৰ বিশ্ববিদ্যালয়ৰ পঞ্জীয়ক ড০ সঞ্জীব ভট্টাচাৰ্যিয়ে বৃহস্পতিবাৰে আবেলি অভিযুক্ত ড০ সুদীপ্ত সৰকাৰক বিশ্ববিদ্যালয়খনৰ কৃষি অভিযান্ত্ৰিক বিভাগৰ মুৰব্বীৰ দায়িত্বৰ পৰা অপসাৰণ কৰাৰ বাবে নিৰ্দেশ প্ৰদান কৰাৰ লগতে তেওঁৰ ঠাইত প্ৰসন্ন কুমাৰ জি ভিক কাৰ্যভাৰ প্ৰদান কৰে। অসম বিশ্ববিদ্যালয় ছাত্ৰ একতা সভাই গম পায় যে ড০ সুদীপ্ত সৰকাৰৰ নিকট সহযোগী ড০ এল এন ছেট্টীয়ে বিভাগটোৰ সকলো কাম-কাজ চলাই আহিছে।
এয়াই নহয়, ড০ সুদীপ্ত সৰকাৰক ছুটি প্ৰদান কৰাক লৈও ছাত্ৰসকল জাঙুৰ খাই উঠিছে। তাৰ পাছত তেওঁলোকে প্ৰথমবাৰৰ বাবে পঞ্জীয়ক ড০ সঞ্জীব ভট্টাচাৰ্যি, উপাচাৰ্য ড০ দীনেশ কুমাৰ পাণ্ডে আৰু তাৰ পাছত অসম বিশ্ববিদ্যালয় ছাত্ৰ একতা সভাৰ সভাপতি মিলন দাসৰ সৈতে এই সম্পৰ্কে কথা পাতে। উপাচাৰ্য ড০ দীনেশ কুমাৰ পাণ্ডে বিশ্ববিদ্যালয়ত উপস্থিত নথকা হেতুকে তেওঁৰ সৈতে ফোনেৰে বাৰ্তালাপ কৰা হয়। ফোনত তেওঁক প্ৰকাৰান্তৰে কোৱা হয় যে সোমবাৰে বিশ্ববিদ্য্যালয়ত উপস্থিত হোৱাৰ পাছত তেওঁ ইয়াতকৈও অধিক তীব্ৰ প্ৰতিবাদৰ মুখামুখি হ’বলৈ সাজু থাকক।
নিৰ্যাতিতা ছাত্ৰী ৰিম্পী নাথে (নাম সলনি কৰা হৈছে) পাছত অসম বিশ্ববিদ্যালয়ৰ আৰক্ষী চকীত আটা গোচৰ পঞ্জীয়ণ কৰায়। অসম বিশ্ববিদ্যালয় ছাত্ৰ একতা সভাই এই গোচৰৰ এটা প্ৰতিলিপি কাচাৰৰ আৰক্ষী অধীক্ষকলৈ প্ৰেৰণ কৰে।
অসম বিশ্ববিদ্যালয় ছাত্ৰ একতা সভাৰ সভাপতি মিলন দাসে নৰ্থ-ইষ্ট নাওক জনাইছে, ‘‘উপাচাৰ্য ড০ দীনেশ কুমাৰ পাণ্ডে যদি ৩০ জুলাইৰ পূৰ্বে উভতি নাহে, তেন্তে পৰিস্থিতিয়ে বিৰূপ মোৰ ল’ব।’’
